مەملەكەتتىك م ۇلىك جانە جەكەشەلەندىرۋ كوميتەتىنىڭ توراعاسى نۇرماحان ادىلبەكوۆتىڭ ايتۋىنشا, مەملەكەت كىرىسىنە وتكىزىلگەن تاركىلەنگەن م ۇلىك الدىمەن كوميتەتتىڭ جانە ونىڭ اۋماقتىق بولىمشەلەرىنىڭ قاراماعىنا بەرىلەدى. كەيىن ول مەملەكەتتىك زاڭدى تۇلعالاردىڭ بالانسىنا وتكىزىلەدى, دەپ حابارلايدى Egemen.kz
كوميتەت توراعاسىنىڭ ايتۋىنشا, مۇنداي م ۇلىكتى ولار تەگىن الادى. بۇل شارا بيۋدجەت قاراجاتىن ۇنەمدەۋ ماقساتىندا قاراستىرىلعان.
«اۆتوكولىكتەردى ساتىپ العاننان گورى, ولاردى تاركىلەنگەن م ۇلىك قاتارىنان العان دۇرىس (مۇندا پەريزات قايراتتىڭ ءىسى بويىنشا تاركىلەنگەن كولىكتەر تۋرالى ايتىلىپ وتىر). بۇل قۇقىق مەملەكەتتىك ورگانداردىڭ وكىلەتتىكتەرىن رەتتەيتىن نورماتيۆتىك-قۇقىقتىق اكتىلەردە بەكىتىلگەن. ولارعا نەلىكتەن وسى قۇقىقتى پايدالانباسقا؟ ەگەر قانداي دا ءبىر سەبەپپەن ەشكىم قىزىعۋشىلىق تانىتپاسا نەمەسە بۇل كولىكتەردى الۋعا نيەت بىلدىرمەسە, وندا ولار اۋكتسيون ارقىلى ساتىلادى», دەدى نۇرماحان ادىلبەكوۆ.
پەريزات قايراتتان تاركىلەنگەن كولىك مەملەكەتتىك ورگانداردىڭ مەنشىگىنە بەرىلدى
ونىڭ مالىمدەۋىنشە, پەريزات قايراتقا تيەسىلى بولعان اۆتوكولىكتەر قۇقىق قورعاۋ ورگاندارىنىڭ قاراماعىنا بەرىلگەن.
ەسكە سالايىق, بۇعان دەيىن پەريزات قايراتتىڭ Mercedes-Benz كولىگى استانا پوليتسياسىنا بەرىلگەنى تۋرالى جازعان ەدىك.