ءفيليپپيننىڭ مينداناو ارالى جاعالاۋىندا بولعان جويقىن جەر سىلكىنىسىنەن قازا تاپقاندار سانى 55 ادامعا جەتتى. تاعى 1 120 ادام ءتۇرلى دارەجەدە جاراقات العان, دەپ حابارلايدى Egemen.kz.
ءفيليپپيننىڭ بيلىگى ارالدا ىزدەستىرۋ-قۇتقارۋ جۇمىستارى ءالى دە جالعاسىپ جاتقانىن حابارلادى.
ەلدە تابيعي اپات سالدارىنان شامامەن 1,9 مىڭ عيمارات زاقىمدانعان. ولاردىڭ قاتارىندا مەكتەپتەر, اۋرۋحانالار جانە تۇرعىن ۇيلەر بار. ونىڭ ىشىندە 1,5 مىڭعا جۋىق نىسان تولىقتاي قيراعان.
الماتى ماڭىندا بولعان جەر سىلكىنىسى ءۇش وبلىستا سەزىلگەن
جەر سىلكىنىسىنەن ەڭ كوپ زارداپ شەككەن ايماقتاردىڭ ءبىرى – حەنەرال-سانتوس قالاسىندا توتەنشە جاعداي رەجيمى جاريالانعان.
سونىمەن قاتار حالىقارالىق اۋەجاي دا زاقىمدانىپ, بىرقاتار رەيس كەيىنگە شەگەرىلگەن. ءفيليپپيننىڭ ازاماتتىق اۆياتسيا باسقارماسى اپات سالدارىن جويۋ جۇمىستارىن جەدەلدەتۋ ءۇشىن اۋەجايدى پايدالانۋعا رۇقسات بەرگەن.
ەسكە سالا كەتەيىك, فيليپپيندە 8 ماۋسىمدا ماگنيتۋداسى 7,8 بولاتىن كۇشتى جەر سىلكىنىسى تىركەلدى. سالدارىنان 32 ادام قازا تاۋىپ, جاپونيا جاعالاۋلارىنا تسۋنامي قاۋپى تونگەن ەدى.