شۆەتسيا قۇراماسىنىڭ بۇرىنعى شابۋىلشىسى زلاتان يبراگيموۆيچ اۋىر سالماقتاعى بۇرىنعى WBC, WBO, IBO, WBA Super, The Ring, IBF الەم چەمپيونى, بريتانيالىق تايسون فيۋريمەن جەكپە-جەك الدىنداعى بەتپە-بەت شايقاسىن وتكىزدى, دەپ حابارلايدى Egemen.kz
«جەكپە-جەك 1 تامىزدا يرلانديانىڭ دۋبلين قالاسىندا وتەدى. بوكستىڭ ۇلى اتاعىن قايتا ءبىر اسقاقتاتامىز», - دەپ يبراگيموۆيچ ءوزىنىڭ ح الەۋمەتتىك جەلىسىندە قارسىلاسىمەن تۇسكەن سۋرەتتەرىن جاريالادى.
زلاتان يبارگيموۆيچ پوستىنا ءتۇرلى پىكىر ءبىلدىرىپ جاتقاندار كوپ: «زلاتان بوكسپەن اينالاساتىن بولسا, الەمنىڭ بارلىق بوكسشىلارى زەينەتكە شىعاتىن بولار», «زلاتان جەكپە-جەك ناتيجەسىن ءبىلىپ تۇرعانداي», «بۇل – حايپ. ولار شىقپادى», «تايسون زلاتاننان العاشقى سوققىسىن العانداي جىميىپ تۇر» دەگەن سياقتى پىكىرلەر قارشا بوراعان.
تايسوننىڭ جاسى 37-دە. بريتانيالىقتىڭ كاسىپقوي مانسابىندا 35 جەڭىس بار. ونىڭ 24-ءى نوكاۋتپەن اياقتالعان. ەكى رەت جەڭىلىپ, تاعى ءبىر جەكپە-جەگى تەڭ اياقتالدى.
ال 44 جاستاعى يبراگيموۆيچ فۋتبولداعى مانسابىن 2023 جىلدىڭ جازىندا اياقتادى. شۆەد ويىنشىسى «مالميو», «اياكس», «يۋۆەنتۋس», «ينتەر», «بارسەلونا», «پسج», «مانچەستەر يۋنايتەد» جانە «لوس-اندجەلەس گەلاكسي» كلۋبتارىندا ونەر كورسەتتى. ونىڭ سوڭعى كومانداسى «روسسونەري» بولدى. بۇعان دەيىن ۋەفا تاراپىنان شۆەد جىگىتىنە كورنەكتى فۋتبولشى بولعانى ءۇشىن ارنايى ماراپات بەرىلگەن بولاتىن.