الماتىدا ءال-فارابي داڭعىلىندا بولعان جانتۇرشىگەرلىك جول-كولىك وقيعاسىنا قاتىستى سوت وتىرىسى كەيىنگە قالدىرىلدى. بۇعان جابىرلەنۋشى تاراپتىڭ ىسكە جاڭادان قوسىلعان ادۆوكاتىنىڭ ءوتىنىشى سەبەپ بولدى, دەپ حابارلايدى Egemen.kz.
12 ماۋسىم كۇنى وتكەن كەزەكتى سوت وتىرىسىندا مارقۇم ەلامان تىلەمىسوۆتىڭ وتباسى اتىنان ادۆوكات گۇلميرا باباجانوۆا قاتىستى. بۇعان دەيىن جابىرلەنۋشى تاراپ چەرنوۆتار اۋلەتىنىڭ ادۆوكاتتىق قىزمەتىنەن باس تارتقانى بەلگىلى بولعان.
جاڭا قورعاۋشى سوتتان ءىس ماتەريالدارىمەن تولىق تانىسۋ ءۇشىن قوسىمشا ۋاقىت بەرۋدى سۇرادى. وتىنىشكە پروتسەسكە قاتىسۋشىلار قارسى بولماعاندىقتان, سوت كەلەسى وتىرىستى 15 ماۋسىمعا بەلگىلەدى.
ءال-فارابيدەگى جول اپاتى: جالعان كۋالىك بەرگەندەردىڭ ۇستىنەن قىلمىستىق ءىس قوزعالدى
ايىپتالۋشى الەكساندر پاك قىلمىستىق كودەكستىڭ 345-1-بابىنىڭ 4-بولىگى بويىنشا جاۋاپقا تارتىلىپ جاتىر. تەرگەۋ نۇسقاسىنا سايكەس, ول ماس كۇيىندە كولىك جۇرگىزىپ, جول قوزعالىسى ەرەجەلەرىن بۇزۋ سالدارىنان ەكى نەمەسە ودان دا كوپ ادامنىڭ ولىمىنە سەبەپ بولعان.
قايعىلى جول اپاتى 21 ناۋرىزعا قاراعان ءتۇنى ءال-فارابي داڭعىلىندا بولدى. وقيعا سالدارىنان Mercedes كولىگىنىڭ جۇرگىزۋشىسى ەلامان تىلەمىسوۆ پەن ەكى جولاۋشى قىز كوز جۇمدى.
ءال-فارابي داڭعىلىنداعى اپات: جابىرلەنۋشى تاراپ كىنالىگە كەشىرىم بەردى
تەرگەۋ مالىمەتىنشە, الەكساندر پاك باسقارعان Zeekr ماركالى كولىك قارسى باعىتقا شىعىپ كەتىپ, Mercedes-پەن سوقتىعىسقان. ساراپتاما قورىتىندىسى بويىنشا, اپات كەزىندە جۇرگىزۋشى جەڭىل دارەجەدەگى الكوگولدىك ماساڭ كۇيدە بولعان.