قر كولىك مينيسترلىگى مالىمەتەنشى تۇجىرىمداما مەن ديزايندى يتالياندىق كومپانيا ازىرلەيدى. قازاقستاندا اۋە تاكسيى ءۇشىن التى ۆەرتيپورت سالۋ جوسپارلانۋدا, دەپ حابارلايدى Egemen.kz
قازىرگى ۋاقىتتا يتالياندىق كومپانيا اۋە تاكسي ءۇشىن مامانداندىرىلعان ينفراقۇرىلىمنىڭ تۇجىرىمداماسى مەن ديزاينىن ازىرلەۋدە.
«بارلىعى 2028 جىلعا دەيىن التى ۆەرتيپورت سالۋدى جوسپارلاپ وتىرمىز. ولار قاۋىپسىزدىك, كولىككە قولجەتىمدىلىك جانە قولدانىستاعى ينفراقۇرىلىممەن ينتەگراتسيا تالاپتارىن ەسكەرە وتىرىپ, ستراتەگيالىق ماڭىزى بار قالالىق جانە كولىك نۇكتەلەرىندە ورنالاستىرىلاتىن بولادى», – دەلىنگەن حابارلامادا.
اۋە تاكسيىمەن ءجۇرۋ قۇنى قانشا تەڭگە بولاتىنى بەلگىلى بولدى
مينيسترلىك سونىمەن قاتار اەروتاكسيدى پايدالانۋ جانە زاماناۋي اۋە ۇتقىرلىعىن دامىتۋ ماسەلەلەرىن رەتتەيتىن زاڭناماعا تۇزەتۋلەر ازىرلەدى. وزگەرىستەر كەلىسۋ كەزەڭدەرىنەن ءوتتىپ, قازىر تۇزەتۋلەر تالقىلانۋدا. ولاردى جاقىن ارادا زاڭناماعا ەنگىزۋ جانە قابىلداۋ جوسپارلانۋدا.
ەل تۇرعىندارى اۋە تاكسيىنە قاشان مىنە الادى
19 مامىردا الاتاۋدا اۋە تاكسيىن سىناقتان وتكىزۋ ءوتتى. ول 2400 كەلىگە دەيىن جۇك تاسىمالداي الادى. ساعاتىنا 200 شاقىرىمعا دەيىن جىلدامدىقتى دامىتادى جانە ءبىر قۋاتتالعاندا 200 شاقىرىمعا دەيىنگى قاشىقتىقتى ەڭسەرە الادى. پرەمەر-ءمينيستردىڭ ورىنباسارى قانات بوزىمباەۆتىڭ ايتۋىنشا, بيىل اۋە تاكسيلەر جولاۋشىلارسىز ۇشىرىلاتىن بولادى.