پاۆلودار وبلىسىندا جول قوزعالىسى قاۋىپسىزدىگىن قامتاماسىز ەتۋ سالاسىنداعى قۇقىقبۇزۋشىلىقتىڭ الدىن الۋ جانە ولاردىڭ جولىن كەسۋ, سونداي-اق كولىك قۇرالدارىن كورىنەۋ جالعان مەملەكەتتىك تىركەۋ نومىرلىك بەلگىلەرىمەن باسقاراتىن جۇرگىزۋشىلەردى انىقتاۋ ماقساتىندا وسى ايدىڭ 10-14 كۇندەرى ارالىعىندا «جالعان ءنومىر» رەسپۋبليكالىق جەدەل-پروفيلاكتيكالىق ءىس-شاراسى وتكىزىلىپ جاتىر, دەپ حابارلايدى Egemen.kz.
پاۆلودار وبلىسى پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى باكىباي احمەديانوۆ اتقارىلعان ءىس-شارالاراعا توقتالىپ ءوتتى.
ء«ىس-شارانىڭ العاشقى كۇنىنىڭ وزىندە پوليتسيا قىزمەتكەرلەرى جول قوزعالىسى ەرەجەلەرىن بۇزۋدىڭ 152 دەرەگىن انىقتادى. ونىڭ ىشىندە جالعان ءنومىر ورناتۋدىڭ 2 فاكتىسى جانە جالعان نومىرمەن كولىك باسقارۋدىڭ 4 فاكتىسى تىركەلدى. سونداي-اق 21 جۇرگىزۋشى وقىلمايتىن مەملەكەتتىك نومىرمەن جۇرگەن, 6 جۇرگىزۋشى قارسى قوزعالىس جولاعىنا شىققان, ال 9 ادام كولىكتى ماس كۇيىندە باسقارعان. ءارتۇرلى قۇقىقبۇزۋشىلىقتار ءۇشىن 23 كولىك قۇرالى ارنايى تۇراققا قويىلدى», دەيدى باكىباي احمەديانوۆ.
جالعان ءنومىر تاققاندار ەندى تۇرمەگە جابىلا ما؟ دەپۋتات قىلمىستىق جاۋاپكەرشىلىك ەنگىزۋدى ۇسىندى
Polisia.kz مالىمەتىنشە, ەڭبەك اۋىلىندا پاترۋلدىك پوليتسيا قىزمەتكەرلەرى ۆاز اۆتوكولىگىنىڭ جۇرگىزۋشىسىن توقتاتتى. تەكسەرۋ بارىسىندا ونىڭ كولىكتى جالعان مەملەكەتتىك تىركەۋ نومىرىمەن باسقارعانى انىقتالدى. قۇقىق بۇزۋشى اكىمشىلىك جاۋاپكەرشىلىككە تارتىلىپ, كولىگى مامانداندىرىلعان ايىپ تۇراعىنا قويىلدى.
پوليتسيا جالعان نەمەسە قولدان جاسالعان مەملەكەتتىك تىركەۋ نومىرلەرىن پايدالانۋ – قوعامدىق قاۋىپسىزدىككە قاتەر توندىرەتىن اۋىر قۇقىق بۇزۋشىلىق ەكەنىن ەسكە سالادى.
بۇعان دەيىن بيىل قاڭتار ايىندا ەلىمىزدە جالعان نومىرمەن جۇرگەن 900-دەن استام جۇرگىزۋشى ۇستالعانى تۋرالى حابارلاعان ەدىك.