ماڭعىستاۋ وبلىسىندا پوليتسيا قىزمەتكەرلەرى ەلىمىزدىڭ وڭتۇستىك وڭىرلەرىنەن جەتكىزىلىپ كەلگەن ءىرى كولەمدەگى ەسىرتكى ارناسىنىڭ جولىن كەستى, دەپ حابارلايدى Egemen.kz.
ءىىم ەسىرتكى قىلمىسىنا قارسى ءىس-قيمىل كوميتەتىنىڭ مالىمەتىنشە, مامىر ايىنىڭ سوڭىندا اقتاۋ قالاسىندا ەسىرتكىنىڭ زاڭسىز اينالىمىنا قاتىسى بار دەگەن كۇدىكپەن ەر ادام ۇستالعان.
جەدەل-ىزدەستىرۋ شارالارى بارىسىندا ونىڭ يەلىگىنەن گاشيش سالىنعان ءتورت پاكەت تابىلىپ, تاركىلەندى. ساراپتاما ناتيجەسى بويىنشا تاركىلەنگەن ەسىرتكىنىڭ جالپى سالماعى 4 كەلىدەن اسقانى انىقتالعان.
شىمكەنت تۇرعىنىنان اسا ءىرى كولەمدەگى سينتەتيكالىق ەسىرتكى تاركىلەندى
اتالعان دەرەك بويىنشا قىلمىستىق كودەكستىڭ 296-بابى 4-بولىگىمەن سوتقا دەيىنگى تەرگەۋ باستالدى. كۇدىكتى ۋاقىتشا ۇستاۋ يزولياتورىنا قامالدى.
ءىىم وكىلدەرى ەسىرتكىنىڭ زاڭسىز اينالىمىنا قاتىستى كەز كەلگەن قۇقىقبۇزۋشىلىققا زاڭ اياسىندا قاتاڭ شارا قولدانىلاتىنىن اتاپ ءوتتى.