الەم چەمپيوناتى: نيۋ-يورك كوشەلەرىنە تانىمال فۋتبولشىلاردىڭ ەسىمى بەرىلدى

كەشە اقش, مەكسيكا مەن كانادا بىرلەسىپ قابىلداپ جاتقان الەمدىك دودانىڭ شىمىلدىعى ءتۇرىلدى. ءتۋرنيردىڭ فينالى كەلەسى ايدا نيۋ-دجەرسي شتاتىنداعى MetLife Stadium ارەناسىندا وتەدى. چەمپيونات كەزەڭىندە ستاديونعا ۋاقىتشا New York New Jersey Stadium اتاۋى بەرىلگەن.

سونداي اق مانحەتتەننىڭ ورتالىعىنداعى 50-كوشە مەن 6-اۆەنيۋ قيىلىسى «تەرري انري ۋەي» دەپ اتالدى. ءىس-شاراعا فرانتسيا قۇراماسىنىڭ 1998 جىلعى الەم چەمپيونى, «ارسەنال» مەن «بارسەلونانىڭ» بۇرىنعى شابۋىلشىسى تەرري انري بەينەبايلانىس ارقىلى قاتىستى.

فۋتبولدان الەم چەمپيوناتىن قايدان كورۋگە بولادى؟

انري نيۋ-يوركتىڭ «رەد بۋللز» كلۋبىنىڭ ساپىندا ونەر كورسەتكەن. فرانتسيالىق فۋتبولشى MLS ليگاسىندا بەس ماۋسىم وتكىزىپ, 2014 جىلعا دەيىن كوماندا ساپىندا ويناعان.

سونداي-اق كۋينس اۋدانىنداعى Shea Road جانە Meridian Road كوشەلەرىنىڭ قيىلىسىنا ۋاقىتشا برازيليالىق فۋتبول اڭىزى پەلەنىڭ ەسىمى بەرىلدى.

قالا اكىمدىگىنىڭ شەشىمىنە سايكەس, كوشەلەردىڭ جاڭا اتاۋلارى 1 قاراشاعا دەيىن ساقتالادى.

ايتا كەتەيىك, كەشە مەكسيكادا الەم چەمپيوناتىنىڭ العاشقى اشىلۋ سالتاناتى ءوتتى. ءبىرىنشى ويىندا مەكسيكالىقتار وڭتۇستىك افريكا رەسپۋبليكاسى قۇراماسىن 2:0 ەسەبىمەن جەڭدى.