«قازاقستان تەمىر جولى» ۇك» اق مالىمەتىنشە, 2025 جىلعى قىركۇيەكتەن 2026 جىلعى 20 مامىرعا دەيىن استىق پەن استىق بالاماسىنداعى ۇن ەكسپورتىنىڭ كولەمى 11,7 ملن توننانى جەتتى, دەپ حابارلايدى Egemen.kz
ەكسپورت كولەمىنىڭ ءوسۋى ورتالىق ازيا ەلدەرى مەن اۋعانستان باعىتتارىندا بايقالدى. اتاپ ايتقاندا, وزبەكستانعا ەكسپورت 39,5%-عا ارتىپ, 3,5 ملن توننادان 4,8 ملن تونناعا جەتتى. قىرعىزستانعا جەتكىزىلىم كولەمى 1,5 ەسەگە ءوسىپ, 297 مىڭ توننادان 457 مىڭ تونناعا دەيىن ۇلعايدى.
سونداي-اق اۋعانستان باعىتى بويىنشا ايتارلىقتاي ءوسىم تىركەلدى, ەكسپورت كولەمى 2,3 ەسەگە ارتىپ, 1,3 ملن توننادان 3 ملن تونناعا جەتتى. تۇرىكمەنستانعا ەكسپورت 47,7%-عا ۇلعايىپ, 130 مىڭ توننادان 192 مىڭ تونناعا دەيىن ءوستى.
قارقىندى ءوسىم قازاقستاندىق استىق ونىمدەرىنە سىرتقى نارىقتاردا سۇرانىستىڭ جوعارى ەكەنىن, سونداي-اق ەكسپورتتىق لوگيستيكانى دامىتۋ جانە شەتەلدىك سەرىكتەستەرمەن ساۋدا-ەكونوميكالىق ىنتىماقتاستىقتى كەڭەيتۋ باعىتىندا قابىلدانىپ جاتقان شارالاردىڭ تيىمدىلىگىن كورسەتەدى.