جوزە موۋرينيۋ «رەالعا» قايتا ورالدى

كلۋبتىڭ ءباسپاسوز قىزمەتى ديرەكتورلار كەڭەسىنىڭ وتىرىسىنان كەيىن مالىمدەمە جاريالاپ, ءموۋرينيۋدى مادريدكە قايتارۋ تۋرالى شەشىم قابىلدانعانىن حابارلادى.

تاراپتار ءۇش جىلدىق كەلىسىمشارتقا قول قويدى. جوزە موۋرينيۋ جاڭا دا, ەسكى كلۋبىنداعى جۇمىسىنا 13 شىلدەدە, ماۋسىم الدىنداعى دايىندىق باستالعان كۇنى كىرىسەدى.

«2026 جىلعى 11 ماۋسىم, بەيسەنبى كۇنى فلورەنتينو پەرەستىڭ توراعالىعىمەن وتكەن «رەال مادريد» كلۋبىنىڭ ديرەكتورلار كەڭەسى جوزە ءموۋرينيۋدى 2029 جىلعى 30 ماۋسىمعا دەيىنگى مەرزىمگە, ياعني الداعى ءۇش ماۋسىمعا نەگىزگى كوماندانىڭ باس باپكەرى ەتىپ تاعايىنداۋ تۋرالى شەشىم قابىلدادى», دەلىنگەن كلۋب مالىمدەمەسىندە.

ەستەرىڭىزگە سالايىق, موۋرينيۋ «رەالدى» 2010-2013 جىلدار ارالىعىندا جاتتىقتىرعان بولاتىن. وسى كەزەڭدە «كورولدىك كلۋب» ونىڭ جەتەكشىلىگىمەن 178 ماتچ وتكىزىپ, 127 رەت جەڭىسكە جەتتى, 23 رەت جەڭىلىپ, 28 ويىندا تەڭ ءتۇستى.

پورتۋگاليالىق مامانمەن بىرگە مادريدتىك كوماندا ءبىر رەت يسپانيا چەمپيوناتىن, ءبىر رەت يسپانيا كۋبوگىن جانە ءبىر رەت يسپانيا سۋپەركۋبوگىن جەڭىپ الدى. الايدا چەمپيوندار ليگاسىن باعىندىرا المادى.