شىمكەنتتە پوليتسيا قىزمەتكەرلەرى جەدەل-پروفيلاكتيكالىق ءىس-شارالار بارىسىندا سينتەتيكالىق ەسىرتكىلەردى تاراتۋمەن اينالىسقان كۇدىكتىنى ۇستادى, دەپ حابارلايدى Egemen.kz
تەكسەرۋ كەزىندە كۇدىكتىنىڭ سومكەسىنەن جالپى سالماعى 2 كەلىنى قۇرايتىن مەفەدرون سالىنعان ءتورت پاكەت تابىلدى. سونىمەن قاتار ودان ەسىرتكى زاتتارىن ءبولىپ وراۋعا ارنالعان ەلەكتروندى تارازى مەن ارنايى زيپ-پاكەتتەر تاركىلەندى.
ۇستالعان ازاماتشانىڭ جالداپ تۇرعان پاتەرىن تەكسەرۋ بارىسىندا ارقايسىسىنىڭ سالماعى بەس گرامدى قۇرايتىن 32 وراما «سينتەتيكا» انىقتالدى.
تارازدا تاكسي جۇرگىزۋشىسىنىڭ كولىگىنەن ەسىرتكى تابىلدى
اتالعان جايت بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى.
ەسىرتكىنىڭ زاڭسىز اينالىمىنا قارسى كۇرەس پەن ونى تاراتۋ ارنالارىنىڭ جولىن كەسۋ باعىتىنداعى جۇمىستار تۇراقتى تۇردە جالعاسادى.