قازاقستاندا تۇرعىن ءۇي نارىعىنداعى بەلسەندىلىك ءساۋىر ايىنداعى رەكوردتىق كورسەتكىشتەن كەيىن تومەندەدى. مامىر ايىندا ەل بويىنشا تۇرعىن ءۇيدى ساتىپ الۋ-ساتۋ بويىنشا 30 420 مامىلە تىركەلىپ, وتكەن ايمەن سالىستىرعاندا 13,5 پايىزعا از بولدى, دەپ حابارلايدى Egemen.kz.
سوعان قاراماستان, مامىر ايى – جىل باسىنان بەرگى ەڭ بەلسەندى ەكىنشى اي اتاندى. ەڭ جوعارى كورسەتكىش ساۋىردە تىركەلگەن بولاتىن – سول كەزدە 35 154 مامىلە جاسالعان. ال قاڭتار-ناۋرىز ارالىعىندا اي سايىن ورتا ەسەپپەن 27-28 مىڭ مامىلە راسىمدەلگەن.
ۇلتتىق ستاتيستيكا بيۋروسىنىڭ مالىمەتىنشە, مامىلەلەر سانى ەلىمىزدىڭ 20 ءوڭىرىنىڭ 18-ىندە ازايعان. ەڭ ۇلكەن تومەندەۋ قىزىلوردا وبلىسىندا (-35,5%), الماتى قالاسىندا (-24,2%) جانە ۇلىتاۋ وبلىسىندا (-19,4%) بايقالدى.
دەپۋتات: تۇرعىن ءۇي ساياساتى جاڭا شەشىمدى تالاپ ەتەدى
ال مامىلەلەر سانى ارتقان ەكى ءوڭىر عانا بار. تۇركىستان وبلىسىندا كورسەتكىش – 7,6 پايىزعا, اتىراۋ وبلىسىندا – 0,6 پايىزعا وسكەن.
تۇرعىن ءۇي ساۋداسى بويىنشا كوش باسىندا – استانا (5 122 مامىلە), الماتى (4 925) جانە قاراعاندى وبلىسى (2 630) تۇر. ەڭ تومەن كورسەتكىش ۇلىتاۋ وبلىسىندا تىركەلدى – مۇندا نەبارى 261 مامىلە جاسالعان.
مامىردا پاتەرلەرگە سۇرانىس جوعارى بولدى. بارلىعى 23 381 پاتەر ساتىلدى, بۇل ساۋىرمەن سالىستىرعاندا 3 950-گە از. ەكى بولمەلى پاتەرلەر ەڭ كوپ سۇرانىسقا يە ساناتقا اينالدى. جەكە تۇرعىن ۇيلەر بويىنشا 7 039 مامىلە تىركەلىپ, ءبىر اي ىشىندە ولاردىڭ سانى 784-كە قىسقارعان.
فرانتسيادا 3D-پرينتەر كومەگىمەن 34 كۇندە كوپقاباتتى تۇرعىن ءۇي سالىندى
جىلدىق كورسەتكىش بويىنشا دا تۇرعىن ءۇي نارىعىندا تومەندەۋ بايقالادى. 2025 جىلدىڭ مامىرىمەن سالىستىرعاندا مامىلەلەر سانى – 10,5 پايىزعا ازايىپ, 33 986-دان 30 420-عا دەيىن تومەندەگەن. بۇل رەتتە ەڭ ۇلكەن قۇلدىراۋ الماتى قالاسىندا (-31,2%) تىركەلسە, تۇركىستان وبلىسى 69,6 پايىزدىق وسىممەن ەرەكشەلەندى.