ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ۆيكتوريا شەگاي كونستيتۋتسيا كۇنىنە بايلانىستى دەمالىس كۇندەرىنىڭ سانىن كوبەيتۋ مۇمكىندىگى جونىندە پىكىر ءبىلدىردى, دەپ جازادى Egemen.kz.
ول 1 شىلدەدەن باستاپ جاڭا كونستيتۋتسيا كۇشىنە ەنگەننەن كەيىن بۇل مەرەكەنىڭ ناۋرىز ايىندا اتاپ وتىلەتىنىن ەسكە سالدى.
«بۇل كۇن مىندەتتى تۇردە مەرەكەلىك جانە رەسمي دەمالىس كۇنى بولادى. ال ەكى جۇمىس كۇنىنە قاتىستى ماسەلە جاڭا كەزەڭدە قاراستىرىلۋى مۇمكىن دەپ ويلايمىن. قازىر بۇل جونىندە ناقتى جاۋاپ بەرۋگە دايىن ەمەسپىز», دەدى ۆ.شەگاي ۇكىمەتتەگى بريفينگ بارىسىندا.
سونداي-اق ۆيتسە-مينيستر مەرەكەنىڭ مارتەبەسىن مەملەكەتتىك مەرەكەدەن ۇلتتىق مەرەكەگە وزگەرتۋ مۇمكىندىگى تۋرالى سۇراققا جاۋاپ بەردى. ونىڭ ايتۋىنشا, ەگەر ءتيىستى ۇسىنىستار تۇسسە, مينيسترلىك مۇنداي مۇمكىندىكتى قاراستىرۋعا دايىن.
ەسكە سالايىق, بۇعان دەيىن پرەزيدەنت 15 ناۋرىز كونستيتۋتسيا كۇنى بولىپ بەلگىلەنەتىنىن ايتقان ەدى.