الماتى اۋەجايىندا قۇرىلىس جۇمىستارى كەزىندە جولاۋشىلاردىڭ ماڭىنا بيىكتەن اجىرىپ كەتكەن قۇبىرلار قۇلاعان. وقيعا كۋاگەرلەرىنىڭ ايتۋىنشا, كونسترۋكتسيالار ادامداردىڭ, ونىڭ ىشىندە بالالار مەن قارتتاردىڭ جانىنا تۇسكەن, دەپ حابارلايدى Egemen.kz
كۋاگەرلەردىڭ ءبىرى وقيعانىڭ وتە جىلدام بولعانىن ايتىپ, جولاۋشىلاردىڭ دەر كەزىندە ارەكەت ەتۋگە ۇلگەرمەۋى مۇمكىن ەكەنىن جەتكىزدى.
اۋەجاي اكىمشىلىگىنىڭ مالىمەتىنشە, ينجەنەرلىك جۇيەلەردى مونتاجداۋ كەزىندە يكەمدى جەلدەتۋ قۇبىرى ءتۇسىرىلىپ جاتقان ساتتە اجىراپ كەتكەن. الايدا كونسترۋكتسيا ساقتاندىرۋ ارقاندارىنا ءىلىنىپ قالعاندىقتان, زارداپ شەككەندەر جوق.
اكىمشىلىك بارلىق ەلەمەنتتەردىڭ دەرەۋ بولشەكتەلگەنىن جانە قوسىمشا قاۋىپسىزدىك شارالارى قابىلدانعانىن حابارلادى. اتالعان جۇمىستار اۋەجايدى جوسپارلى جاڭعىرتۋ اياسىندا جۇرگىزىلىپ جاتقان.