بۇگىن كەشكە دونالد ترامپ يرانعا قۋاتتى سوققى جاساپ, ەلدىڭ مۇناي-گاز نارىعىن باقىلاۋعا الۋعا ۋادە بەردى, دەپ حابارلايدى Egemen.kz
اقش پرەزيدەنتى دونالد ترامپ ۆاشينگتون 11 ماۋسىم كەشىندە يرانعا قۋاتتى سوققى جاسايتىنىن مالىمدەدى.
«امەريكا قۇراما شتاتتارى بۇگىن كەشكە يرانعا وتە كۇشتى سوققى جاسايدى», دەپ جازدى ترامپ Truth Social الەۋمەتتىك جەلىسىندە.
ۋاقىت ايىرماشىلىعىنا بايلانىستى قازاقستاندا بۇل 12 ماۋسىمنىڭ تاڭعى ۋاقىتىنا سايكەس كەلەدى.
وسى جازباسىندا ترامپ يران قارۋلى كۇشتەرىنىڭ جاعدايىنا دا توقتالدى. ونىڭ ايتۋىنشا, يراننىڭ اسكەري-تەڭىز جانە اسكەري-اۋە كۇشتەرى, رادارلارى, اۋە قورعانىسى جۇيەلەرى جانە وزگە دە قورعانىس قۇرالدارى, سونداي-اق ەلدىڭ شابۋىلداۋ الەۋەتىنىڭ باسىم بولىگى «قازىردىڭ وزىندە جويىلعان».
بۇدان بولەك, اقش پرەزيدەنتى جۋىق ارادا يراننىڭ مۇناي ينفراقۇرىلىمى مەن مۇناي-گاز نارىعىن باقىلاۋعا الاتىنىن ايتتى.
«جاقىن بولاشاقتا ءبىز حارك ارالىن جانە مۇناي ينفراقۇرىلىمىنىڭ باسقا دا نىساندارىن باقىلاۋعا الامىز, سونداي-اق يراننىڭ مۇناي-گاز نارىعىنا تولىق باقىلاۋ ورناتامىز. ءبىز مۇنى ۆەنەسۋەلادا قالاي جۇزەگە اسىرساق, ءدال سولاي جاسايمىز. بۇل ۆەنەسۋەلا ءۇشىن دە, اقش ءۇشىن دە وتە ءتيىمدى جۇمىس ىستەپ جاتىر», دەپ جازدى ترامپ.
اقش پەن يران اراسىندا ءساۋىر ايىندا جاسالعان ءبىتىم تۋرالى كەلىسىمگە قاراماستان شيەلەنىس ءالى جالعاسىپ وتىر. كەيىنىرەك تەگەران ءيزرايلدىڭ ليۆانعا شابۋىلدارىن جالعاستىرۋى جاعدايىندا كەلىسىمنەن شىعۋى مۇمكىن ەكەنىن ەسكەرتكەن. ودان كەيىن تاراپتار قايتادان ءوزارا سوققىلارمەن الماسا باستادى.
يران اقش-تىڭ باحرەيندەگى كەمەلەرىنە شابۋىل جاسادى