قالا ايالدامالارىنىڭ بىرىندە قوعامدىق ءتارتىپتى بۇزعان قىز جاۋاپكەرشىلىككە تارتىلدى. بۇل تۋرالى ەلوردا پوليتسياسى مالىمدەدى, دەپ جازادى Egemen.kz.
الەۋمەتتىك جەلىلەرگە جۇرگىزىلگەن مونيتورينگ بارىسىندا پوليتسەيلەر ايالدامادا تۇسىرىلگەن بەينەجازبانى انىقتاعان. وندا قىزدىڭ اۆتوماتقا ۇقساس زاتتى ءارتۇرلى باعىتقا كەزەپ تۇرعانى كورىنەدى. كەيىن ونىڭ ويىنشىق اۆتومات ەكەنى بەلگىلى بولدى.
بۇعان دەيىن الماتىدا جولاۋشى تاكسي جۇرگىزۋشىسىن ويىنشىق تاپانشامەن قورقىتقانى تۋرالى وقيعانى حابارلاعان ەدىك.
پوليتسيانىڭ مالىمەتىنشە, قىز ۇساق بۇزاقىلىق جاساعانى ءۇشىن اكىمشىلىك جاۋاپكەرشىلىككە تارتىلعان.
«تەكسەرۋ بارىسىندا ونىڭ قولىنداعى زاتتىڭ ويىنشىق اۆتومات ەكەنى انىقتالدى. سوت شەشىمىمەن وعان 20 اەك مولشەرىندە ايىپپۇل سالىندى (2026 جىلى بۇل 86 500 تەڭگەنى قۇرايدى)», دەپ ناقتىلادى پوليتسيا وكىلدەرى.
تاپانشامەن قورقىتىپ, توناپ كەتكەن