استانادا 18 ماۋسىمدا جالپى ورتا ءبىلىم تۋرالى اتتەستاتتاردى سالتاناتتى تۇردە تابىستاۋ ءراسىمى وتەدى. وسى ورايدا قالا اكىمدىگى تاراپىنان اتا-انالار مەن تۇلەكتەرگە مەرەكەلىك ءىس-شارالار كەزىندە قاۋىپسىزدىك تالاپتارى قاتاڭ ساقتالۋ قاجەت ەكەنى ەسكەرتىلىپ وتىر, دەپ جازادى Egemen.kz.
اتالعان ەسكەرتۋ – تۇلەكتەردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋدى كوزدەيدى.
«مەكتەپ ءبىتىرۋ كەشتەرىن مەيرامحانالاردا, ءدامحانالاردا, بانكەت زالدارىندا, دەمالىس بازالارىندا جانە تابيعات اياسىندا وتكىزۋگە, اۆتوكورتەج ۇيىمداستىرۋعا, تاڭدى قارسى الۋ شارالارىن وتكىزۋگە, سونداي-اق قاتىسۋشىلاردىڭ قاۋىپسىزدىگىنە قاۋىپ ءتوندىرۋى مۇمكىن وزگە دە ءىس-شارالاردى ۇيىمداستىرۋعا جول بەرىلمەيدى», دەلىنگەن اكىمدىكتىڭ حابارلاماسىندا.
سوڭعى قوڭىراۋ: ەلىمىزدە 215 مىڭنان استام تۇلەك مەكتەپپەن قوشتاستى
سونداي-اق اتتەستات تاپسىرۋ ءراسىمىن ۇيىمداستىرۋ مەن وتكىزۋ كەزىندە اتا-انالارعا, زاڭدى وكىلدەرگە نەمەسە وقۋشىلارعا اقشا, سىيلىق, ءتۇرلى جارنالار مەن وزگە دە ماتەريالدىق زاتتار جيناۋعا قاتاڭ تىيىم سالىناتىنى ەسكەرتىلدى.
ءبىر ايدان سوڭ مەكتەپ ءبىتىرۋ كەشى وتەدى: قىمبات كەش − مارتەبە مە, ىسىراپ پا؟
«مەكتەپ ءبىتىرۋ كەشىنىڭ باستى قۇندىلىعى – قىمبات مەيرامحانا مەن مەرەكەلىك داستارقان ەمەس. ونىڭ شىنايى ءمانى – ۇستازدارعا العىس ءبىلدىرۋ, مەكتەپپەن قوشتاسۋ, سىنىپتاستارمەن ەرەكشە ەستەلىكتەردى ءبولىسۋ جانە بولاشاققا سەنىممەن قادام باسۋ. اتا-انالار مەن تۇلەكتەردى وسى ايتۋلى كۇندى جوعارى مادەني دەڭگەيدە وتكىزۋگە, قاۋىپسىزدىك تالاپتارىن ساقتاۋعا جانە ءوزارا جاۋاپكەرشىلىك تانىتۋعا شاقىرامىز», دەلىنگەن حابارلامادا.
بۇعان دەيىن اتالعان ماسەلەگە قاتىستى ءماجىلىس دەپۋتاتى اسحات ايماعامبەتوۆ پىكىر ءبىلدىرىپ, ەلىمىزدەگى كوپتەگەن مەرەكەنىڭ الدەقاشان «داڭعويلىق جارمەڭكەسىنە» اينالىپ كەتكەنىن ايتقان ەدى.