الماتىدا قازتاگ ءىسى بويىنشا ءوتىپ جاتقان سوت وتىرىسى كەيىنگە قالدىرىلدى, دەپ حابارلايدى Egemen.kz.
جالعان اقپارات تاراتۋ جانە ادامدار توبىنىڭ الدىن الا ءسوز بايلاسۋىمەن جاسالعان بۇزاقىلىق بويىنشا ايىپتالىپ وتىرعان سوتتالۋشىلار ءامىر قاسەنوۆ پەن جاننا قاپپاروۆانىڭ سوتقا كەلمەۋىنە بايلانىستى المالى اۋداندىق سوتى قىلمىستىق ءىس بويىنشا وتىرىستى 15 ماۋسىمعا شەگەردى.
سوتتىڭ مالىمەتىنشە, سوتتالۋشىلاردىڭ سوت تالقىلاۋىنا قاتىسۋى ولاردىڭ پروتسەسسۋالدىق مىندەتى بولىپ سانالادى. دالەلدى سەبەپسىز سوتقا كەلمەۋ ءىستى قاراۋ پروتسەسىنە كەدەرگى كەلتىرىپ, سوت تالقىلاۋىنىڭ سوزىلۋىنا الىپ كەلەدى.
سوت قىلمىستىق-پروتسەستىك زاڭناما تالاپتارىنا سايكەس, سوتتالۋشىلار دالەلدى سەبەپسىز كەلمەگەن جاعدايدا زاڭدا كوزدەلگەن پروتسەستىك ماجبۇرلەۋ شارالارىن, سونىڭ ىشىندە كۇشتەپ اكەلۋدى قولدانۋعا قۇقىلى ەكەندىگىن ەسكەرتتى.
ەسكە سالايىق, بۇعان دەيىن قازتاگ اگەنتتىگىنىڭ باس ديرەكتورى اسەت ماتاەۆ پەن باس رەداكتورى ءامىر قاسەنوۆقا قاتىستى قىلمىستىق ءىس قوزعالىپ, ولار كورىنەۋ جالعان اقپارات تاراتۋ بابى بويىنشا كۇدىكتى دەپ تانىلعان بولاتىن.