قازاقستاندا «2026-2029 جىلدارعا ارنالعان حالىق تابىسىن ارتتىرۋ جونىندەگى كەشەندى جوسپار» وزەكتەندىرىلدى. بۇل تۋرالى ۇكىمەتتە وتكەن ءباسپاسوز ءماسليحاتىندا ۇلتتىق ەكونوميكا ءمينيسترىنىڭ ءبىرىنشى ورىنباسارى ازامات ءامرين مالىمدەدى, دەپ حابارلايدى Egemen.kz.
ونىڭ ايتۋىنشا, التى باعىت بويىنشا 59 ءىس-شارانى قامتىعان قۇجات ازاماتتاردىڭ ءال-اۋقاتىن ارتتىرىپ, ساپالى جۇمىس ورىندارىن قۇرۋعا جانە حالىقتىڭ ناقتى تابىسىن ارتتىرۋعا باعىتتالعان.
«جاڭا جوسپار 2022 جىلدان باستاپ جۇزەگە اسىرىلىپ جاتقان باعدارلامانىڭ ورنىن الماستىرادى. قۇجاتتا ەكونوميكانىڭ سىن-قاتەرلەرىن, ادامي كاپيتالدى دامىتۋ جانە تۇرعىنداردىڭ ءومىر ءسۇرۋ ساپاسىن ارتتىرۋ جونىندەگى ۇزاق مەرزىمدى مىندەتتەردى دە ەسكەرەدى. وڭىرلىك نىسانالى كورسەتكىشتەرگە قول جەتكىزۋ تەتىگىن كۇشەيتۋ ءۇشىن اكىمدىكتەر حالىقتىڭ تابىسىن ارتتىرۋدىڭ وڭىرلىك باعدارلامالارىن ازىرلەدى», دەدى ازامات ءامرين.
تابىس ارتسا, تۇرمىس تۇزەلە مە؟
ەسكە سالا كەتەيىك, بۇعان دەيىن ۇكىمەت باسشىسى ولجاس بەكتەنوۆ ەلىمىزدە ازاماتتاردىڭ تابىسىن ارتتىرۋعا باسا نازار اۋدارىلاتىندىعىن اتاپ وتكەن بولاتىن. وسى باعىتتا جۋىردا وتكەن ۇكىمەت وتىرىسىندا ەكونوميكانى ودان ءارى ءارتاراپتاندىرۋ جونىندەگى تاسىلدەر قارالدى.