يسپانيادا لا ليگا تورەشىلەرىنىڭ جۇمىسىن جاساندى ينتەللەكت باعالايدى

ء«بىز تورەشىلەردىڭ جۇمىسىنا جاساندى ينتەللەكت ەنگىزگەلى وتىرمىز. ەكى نەگىزگى باعىت جۇزەگە اسادى. ءبىرىنشىسى – تورەشىلەردىڭ جۇمىسىن باعالاۋ. ءار ماتچتان كەيىن تورەشىلەردىڭ تەحنيكالىق كوميتەتى (CTA) تورەشىلىكتىڭ ءار قىرىن باعالايتىن باقىلاۋشىلاردى قولدانادى. بارلىعى 30 ءتۇرلى كريتەري بار. قازىر بۇل جۇمىستى ادامدار اتقارادى: 20 تورەشىگە 30 باقىلاۋشى بەكىتىلگەن. جي كومەگىمەن ءبىز شەشىمدەردىڭ كەم دەگەندە 40%-ىن وبەكتيۆتى تۇردە قابىلداۋعا مۇمكىندىك بەرەتىن قۇرال جاساپ جاتىرمىز. بارلىق ماتچتاردىڭ نەگىزىندە جۇيە ءتۇزىلىپ, الگوريتمدەر قالىپتاسادى», – دەيدى حاۆەر تەباس.

ونىڭ ايتۋىنشا, جي ءبارىن تالداپ, تورەشىنىڭ قاي تۇستا دۇرىس بولعان, بولماعانىن كورسەتەدى.

ء«بىز پروتسەستى بارىنشا وبەكتيۆتى ەتەمىز. سونىمەن قاتار, بۇل تورەشىلەردى ماتچتارعا تاعايىنداۋمەن تىعىز بايلانىستى بولادى. كوميتەتكە جي كومەگىمەن ويىنعا ءۇش تورەشىنىڭ كانديداتۋراسى ۇسىنىلادى. مەن ادام ينتەللەكتىسىنە سەنەمىن, بىراق كەيبىر جاعدايلاردا جي كومەكتەسۋى كەرەك», – دەيدى مامان.

Marca مالىمەتىنشە, جاساندى ينتەللەكت بەلگىلى ءبىر پارامەترلەر بويىنشا ءار ماتچقا ەكى نەمەسە ءۇش تورەشىنى ۇسىناتىن بولادى. بىراق سوڭعى شەشىمدى ادام قابىلدايدى. ياعني, جي ءوز بەتىنشە تورەشىلەردى تاعايىندامايدى.

ايتا كەتەيىك, جي تورەشىلىك جۇيەسىن باسقا سپورت تۇرلەرىندە دە وزگەرتىپ جاتىر. تەننيستە Hawk-Eye تەحنولوگياسى دوپتىڭ تۇسكەن جەرىن ءدال انىقتاپ, ATP-عا شەتكى تورەشىلەردەن باس تارتۋعا مۇمكىندىك بەرمەك. باسكەتبول مەن بەيسبولدا جي فول مەن سترايك-زونانى انىقتاۋعا كومەكتەسەدى. الايدا سۋبەكتيۆتى شەشىمدەر ءۇشىن ادام تورەشىلەر قاجەت. بۇل مىسالدار جي-ءدىڭ وبەكتيۆتى تاپسىرمالاردا ءتيىمدى ەكەنىن كورسەتەدى. بىراق فۋتبول سياقتى ديناميكالىق ءارى ەموتسياعا تولى سپورتتا كۇردەلى ءتاسىل قاجەت.

جي فۋتبول تورەشىلىگىن جەتىلدىرۋدە دالدىك پەن وبەكتيۆتىلىكتى قامتاماسىز ەتۋگە مۇمكىندىك بەرەدى. VAR سىندى قازىرگى تەحنولوگيالار شەشىمدەردىڭ دالدىگىن 94-99%-عا دەيىن ارتتىردى.

ايتا كەتەيىك, لا ليگانىڭ 25/26 ماۋسىمىنداعى قورىتىندى بويىنشا «بارسەلونا» مەرزىمىنەن بۇرىن چەمپيونى اتىنىپ وتىر. يسپانيا چەمپيوناتىنىڭ ماۋسىمى 26 مامىردا اياقتالادى.