بۇگىن ەلىمىزدىڭ باسىم بولىگىندە داۋىلدى ەسكەرتۋ جاريالاندى

سينوپتيكتەردىڭ بولجامىنشا, بىرقاتار وڭىردە قار مەن جاڭبىر, بۇرقاسىن, كوكتايعاق, تۇمان جانە ەكپىندى جەل بولادى.

ۇلىتاۋ وبلىسىندا جاۋىن-شاشىن, بۇرقاسىن, كوكتايعاق كۇتىلەدى. وبلىستىڭ سولتۇستىگى مەن شىعىسىندا قاتتى جاۋىن-شاشىن بولجانادى. جەل وڭتۇستىك-شىعىستان سوعىپ, باتىسقا اۋىسادى. تۇندە ەكپىنى 15-20 م/س, كۇندىز 23 م/س-قا دەيىن جەتۋى مۇمكىن. جەزقازعاندا تۇندە جانە تاڭەرتەڭ جاۋىن-شاشىن, بۇرقاسىن, كوكتايعاق بولادى.

قاراعاندى وبلىسىنىڭ باتىسىندا قار مەن بۇرقاسىن, سولتۇستىگى مەن شىعىسىندا قاتتى قار جاۋادى. كەي اۋماقتاردا تۇمان ءتۇسىپ, كوكتايعاق قالىپتاسادى. جەلدىڭ ەكپىنى 25 م/س-قا دەيىن كۇشەيۋى ىقتيمال. قاراعاندى قالاسىندا كۇندىز قار مەن بۇرقاسىن كۇتىلەدى.

جامبىل وبلىسىنىڭ تاۋلى اۋداندارىندا قاتتى جاۋىن-شاشىن بولجانسا, تارازدا تۇمان كۇتىلەدى. جەتىسۋ وبلىسىنىڭ شىعىسى مەن تاۋلى ايماقتارىندا كەي ۋاقىتتا قاتتى جاۋىن-شاشىن بولادى. جەل ەكپىنى 23-28 م/س-قا دەيىن جەتۋى مۇمكىن. تالدىقورعاندا كۇندىز جەل 15-20 م/س-قا كۇشەيەدى.

الماتى وبلىسىنىڭ تاۋلى اۋداندارىندا قاتتى قار جاۋى ىقتيمال. كەي جەرلەردە تۇمان ءتۇسىپ, جولداردا كوكتايعاق قالىپتاسادى. جەلدىڭ ەكپىنى 28 م/س-قا دەيىن جەتۋى مۇمكىن. قوناەۆتا كۇندىز جەل 23 م/س-قا دەيىن كۇشەيەدى.

استانادا كۇندىز قار مەن بۇرقاسىن بولجانىپ وتىر. جەلدىڭ ەكپىنى 15-20 م/س.

سولتۇستىك قازاقستان, اقمولا, قوستاناي جانە اباي وبلىستارىندا قار, بۇرقاسىن, تۇمان جانە كوكتايعاق كۇتىلەدى. كەي وڭىرلەردە جەلدىڭ ەكپىنى 23-28 م/س-قا دەيىن جەتەدى. پەتروپاۆل مەن قوستانايدا تۇندە جانە تاڭەرتەڭ قار مەن بۇرقاسىن بولادى.

باتىس قازاقستان وبلىسىندا قار, جاياۋ بۇرقاسىن جانە كوكتايعاق كۇتىلەدى. ورال قالاسىندا دا قار جاۋىپ, تۇمان ءتۇسۋى مۇمكىن. جەلدىڭ ەكپىنى 15-20 م/س-قا دەيىن كۇشەيەدى.

اتىراۋ جانە اقتوبە وبلىستارىندا كوكتايعاق پەن تۇمان كۇتىلەدى. كەي اۋماقتاردا جاۋىن-شاشىن بولادى. جەلدىڭ ەكپىنى 15-18 م/س.

قىزىلوردا وبلىسىندا تۇمان مەن كوكتايعاق بولجانىپ وتىر. تۇندە جەلدىڭ كۇشى 15-20 م/س-قا جەتەدى. شىعىس قازاقستان وبلىسىندا ازداعان قار, جاياۋ بۇرقاسىن جانە تۇمان كۇتىلەدى. وسكەمەندە تۇندە جانە تاڭەرتەڭ تۇمان تۇسەدى.

تۇركىستان وبلىسىندا جاۋىن-شاشىن, تاۋلى اۋدانداردا قاتتى جاڭبىر مەن قار كۇتىلەدى. شىمكەنتتە تۇندە قاتتى جاۋىن-شاشىن (كوبىنەسە جاڭبىر) بولجانادى. جەلدىڭ ەكپىنى كەي ۋاقىتتا 15-20 م/س-قا جەتەدى.

سينوپتيكتەر جول قوزعالىسىنا قاتىسۋشىلاردى اۋا رايىنىڭ كۇرت وزگەرۋىنە بايلانىستى ساق بولۋعا شاقىرادى. كوكتايعاق پەن ەكپىندى جەل كولىك قوزعالىسىن قيىنداتۋى مۇمكىن.