قازاقستاننىڭ ازەربايجانداعى ەلشىسى ءالىم بايەل تۇركى مەملەكەتتەرى پارلامەنتتىك اسسامبلەياسىنىڭ (تۇركپا) باس حاتشىسى راميل حاسانمەن كەزدەستى.
ءسىم ءباسپاسوز قىزمەتىنىڭ مالىمدەۋىنشە, قازاق ديپلوماتى جالپى تۇركىلىك بايلانىستارداعى تۇركپا-نىڭ ماڭىزىن اتاپ ءوتىپ, ۇيىم قىزمەتىنىڭ ودان əرi جۇيەلەنە تۇسەتiنiنە سەنىم ءبىلدىردى. اڭگىمە بارىسىندا ءالىم بايەل پرەزيدەنت قاسىم-جومارت توقاەۆتىڭ بيىل 15 ناۋرىزدا ەلىمىزدىڭ جاڭا كونستيتۋتسياسىن قابىلداۋ جونىندە رەسپۋبليكالىق رەفەرەندۋم وتكىزۋ تۋرالى جارلىققا قول قويعانىن اتاپ ءوتتى. وسىعان بايلانىستى ەلشى راميل حاسانعا سىرتقى ىستەر ءمينيسترى ەرمەك كوشەرباەۆتىڭ الداعى رەفەرەندۋمعا بايقاۋشى رەتىندە قاتىسۋ شاقىرتۋىن تابىستادى.
ءوز كەزەگىندە تۇركپا باس حاتشىسى شاقىرۋ ءۇشىن العىسىن ءبىلدىرىپ, ۇيىم دەلەگاتسياسى رەفەرەندۋمعا حالىقارالىق بايقاۋشىلار رەتىندە بەلسەندى تۇردە قاتىساتىنىن جەتكىزدى. باس حاتشى ەلىمىزدە جۇرگىزىلىپ جاتقان ساياسي رەفورمالارعا جوعارى باعا بەرىپ, قوناقتاردى ۇيىمنىڭ 2026 جىلعا ارنالعان جوسپارىمەن تانىستىردى.