يتاليادا ءوتىپ جاتقان 2026 جىلعى قىسقى وليمپيادا ويىندارىندا فريستايل-اكروباتيكادان ارالاس كوماندالار اراسىنداعى جارىستىڭ العاشقى فينالى ءوتتى, دەپ حابارلايدى Egemen.kz.
قازاقستان قۇراماسىنىڭ ساپىندا ايانا جولداس, اسىلحان اسان جانە رومان يۆانوۆ ونەر كورسەتتى.
وتانداستارىمىز جالپى ەسەپتە 213,93 ۇپاي جينادى. بۇل ناتيجە كومانداعا جەتى قۇرامانىڭ ىشىندە جەتىنشى ورىن الۋعا مۇمكىندىك بەردى.
ەكىنشى فينالعا ءتورت قۇراما جولداما الدى. اقش قۇراماسى (351,23 ۇپاي) ارالىق ەسەپتە كوشباسشى اتاندى. سونداي-اق قىتاي (315,02), اۋستراليا (289,04) جانە شۆەيتساريا (278,48) قۇرامالارى ىرىكتەۋدەن ءوتتى.
وسىلايشا, قازاقستاندىق فريستايلشىلار يتاليادا ءوتىپ جاتقان قىسقى وليمپيادا ويىندارىنداعى جارىس جولىن اياقتادى.
قىسقى وليمپيادا-2026: بۇگىن ەل سپورتشىلارى قانداي جارىستارعا قاتىسادى؟