يتاليادا ءوتىپ جاتقان 2026 جىلعى وليمپيادا ويىندارىندا كونكيمەن جۇگىرۋدەن ايەلدەر اراسىندا 1500 مەتر قاشىقتىقتا جارىس ءوتتى, دەپ حابارلايدى Egemen.kz.
اتالعان باعدارلامادا قازاقستان قۇراماسىنىڭ اتىنان نادەجدا موروزوۆا, ەليزاۆەتا گولۋبەۆا جانە ارينا يلياششەنكو باق سىنادى.
قازاقستاندىق سپورتشىلاردىڭ اراسىندا ەڭ ۇزدىك ناتيجەنى ەليزاۆەتا گولۋبەۆا كورسەتتى. ول 1:54.86 ۋاقىت كورسەتكىشىمەن مارەگە جەتىپ, جەتىنشى ورىن الدى.
نادەجدا موروزوۆا 1:54.86 ناتيجەسىمەن 12-ورىنعا تۇراقتاسا, ارينا يلياششەنكو 1:58.43 ۋاقىت كورسەتكىشىمەن 24-ورىندا جارىستى اياقتادى.
نيدەرلاندتىق انتۋانەتتا ريپما-دە يونگ 1:54.09 ناتيجەسىمەن وليمپيادا چەمپيونى اتاندى. كۇمىس مەدالدى نورۆەگيالىق راگنە ۆيكلۋند (1:54.15) يەلەنسە, قولا جۇلدە كانادالىق ۆالەري مالتەگە (1:54.40) بۇيىردى.
ايتا كەتەيىك, بۇگىن 2026 جىلعى وليمپيادا ويىندارىندا قازاقستاندىق سپورتشىلار ءۇش سپورت تۇرىنەن سىنعا تۇسەدى.