قوستاناي وبلىسىندا قۋعىن-سۇرگىن قۇرباندارىن تولىق اقتاۋ جونىندەگى كوميسسيا قۇرىلدى, دەپ حابارلايدى Egemen.kz
قوستاناي وبلىسىندا ساياسي قۋعىن-سۇرگىن قۇرباندارىن تولىق اقتاۋ جونىندەگى كوميسسيا قۇرىلدى. وبلىستىق كوميسسيا قۇرامىنا 23 ادام ىرىكتەلىپ الىندى. كوميسسيا ساياسي قۋعىن-سۇرگىن قۇرباندارىن, ونىڭ ىشىندە اسكەري قىزمەتشىلەر مەن تۇتقىنداردى قۇقىقتىق جانە ساياسي اقتاۋ جۇمىستارىن جۇزەگە اسىراتىن بولادى.وبلىستىق كوميسسيانىڭ ءبىرىنشى كەڭەيتىلگەن وتىرىسىندا وسى باعىتتاعى زەرتتەۋ جۇمىستارىن ۇيىمداستىرۋ جانە وڭىردە جۇرگىزىلەتىن جۇمىستاردىڭ ناقتى ماقساتى مەن مىندەتتەرىن ايقىنداۋ ماسەلەلەرى تالدانىپ, قاراستىرىلدى.
ايماقتا ساياسي ارحيۆتەردەگى قۋعىن-سۇرگىنگە ۇشىراعان ازاماتتار تۋرالى قۇجاتتاردى انىقتاۋ, زەرتتەۋلەر جۇرگىزۋ, قۋعىن-سۇرگىنگە ۇشىراعان ازاماتتاردىڭ ۇرپاقتارى مەن تۋىستارىنان سۇحبات الۋ, ولار تۋرالى قۇجات, فوتوماتەريالدار مەن وزگە دە مالىمەتتەردى جيناۋ جۇمىستارى ۇيىمداستىرىلماق. وسىعان بايلانىستى اكىمشىلىك-ۇيىمداستىرۋشىلىق, زەرتتەۋ جانە اقپاراتتىق-ءتۇسىندىرۋ جۇمىستارىن قامتيتىن 3 جۇمىس توبى قۇرىلدى.
كوميسسيا مۇشەلەرىنىڭ پىكىرىنشە, باستاپقى كەزەڭدە, جاپپاي جەرلەۋ ورىندارى مەن اقتالماعان ازاماتتاردىڭ ەسىمدەرىن انىقتاۋ ءۇشىن اۋداندارعا تۇراقتى تۇردە جۇمىس ىستەيتىن ەكسپەديتسيالاردى جىبەرۋ قاجەت.