بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتتى.
«ۇستەماقى جۇمىس ىستەگەن كۇندەر مەن قاۋىپ ساتىسىنا قاراي بەرىلەتىنىن بىلەسىزدەر. 10 ساۋىرگە دەيىن ناۋرىز ايى بويىنشا 1893 مەديتسينالىق قىزمەتكەرگە ۇستەماقى تولەندى. ول ءۇشىن 643 ملن تەڭگە ءبولىندى», - دەدى ساۋلە قيسىقوۆا.
ەسكە سالا كەتەيىك, پرەزيدەنت جانىنداعى توتەنشە جاعدايدى قامتاماسىز ەتۋ جونىندەگى مەملەكەتتىك كوميسسيا مەملەكەت باسشىسىنىڭ تاپسىرماسىن ورىنداۋ اياسىندا ەپيدەمياعا قارسى شارالارعا قاتىسقان مەديتسينالىق قىزمەتكەرلەردىڭ جالاقىسىنا اي سايىن ۇستەماقى تاعايىنداۋ تۋرالى شەشىمدى بەكىتتى. مەملەكەت باسشىسىنىڭ تاپسىرماسىن ورىنداۋ شەڭبەرىندە نۇر-سۇلتان قالاسىندا ەپيدەمياعا قارسى شارالارعا قاتىسىپ جاتقان مەديتسينا قىزمەتكەرلەرىنە قارجى بولۋمەن اينالىساتىن ارنايى كوميسسيا قۇرىلدى.