الماتى وبلىسىندا 2020 جىلعى 13 ساۋىردە شەكارالىق رەجيمدى بۇزعان قازاقستان رەسپۋبليكاسىنىڭ ەكى ازاماتى ۇستالدى. بۇل تۋرالى ۇقك ءباسپاسوز قىزمەتى حابارلادى.
كورسەتىلگەن ادامدار سيرەك كەزدەسەتىن وسىمدىكتەردى جيناۋمەن اينالىسقان. ولاردى تەكسەرۋ بارىسىندا وسىمدىكتەردى قازۋ قۇرالدارى مەن 2,5 كگ-نان استام «سۇرعىلت ءتۇستى سەپكىلگۇل» تامىرلارى تابىلدى.
قازىرگى ۋاقىتتا ۋاكىلەتتى ورگاندار الىنعان تامىرلارعا ساراپتاما جاساۋدا. وسىمدىكتىڭ ءتۇرى راستالعان جاعدايدا قۇقىق بۇزۋشىلار قر قك 339-بابى «سيرەك كەزدەسەتىن جانە جوعالىپ كەتۋگە جاقىن, سونداي-اق پايدالانۋعا تىيىم سالىنعان وسىمدىكتەردى نەمەسە جانۋارلاردى, ولاردىڭ بولشەكتەرى مەن ونىمدەرىن زاڭسىز الۋ» بويىنشا جاۋاپكەرشىلىككە تارتىلادى.