بۇگىن وتكەن ۇكىمەت وتىرىسىنىڭ قورىتىندىسى بويىنشا قر پرەمەر-ءمينيسترى اسقار مامين قازاقستاننىڭ اۆتوجول ينفراقۇرىلىمىن رەكونسترۋكتسيالاۋدىڭ الداعى جوسپارلارىنا توقتالىپ ءوتتى.
بۇل جوسپارلانعان جۇمىستاردىڭ رەكوردتىق كولەمى. بيىل جۇمىس كولەمى 2019 جىلى جۇزەگە اسىرىلعان كولەمنەن 4 ەسە اسىپ تۇسەدى. وسى جىلدىڭ سوڭىنا دەيىن 4 000 شاقىرىم اسفالت جول توسەلەدى. يندۋستريا جانە ينفراقۇرىلىمدىق دامۋ ءمينيسترى پرەمەر-مينيسترگە 1,5 مىڭ شاقىرىم جولدا كۇردەلى جوندەۋ جۇمىستارى جۇرگىزىلەتىنىن ايتتى.ا. مامين قۇرىلىس قارقىنىن باسەڭدەتپەي, قۇرىلىس ماۋسىمىن ءتيىمدى وتكىزۋدى تاپسىردى. بارلىعى 200 مىڭ جۇمىس ورنى اشىلادى. «نۇرلى جول» مەملەكەتتىك باعدارلاماسى بويىنشا 2025 جىلعا دەيىن 5,5 ترلن تەڭگەگە 112 ينفراقۇرىلىمدىق جوبانى ىسكە اسىرۋ كوزدەلگەن.