رۋحاني ءۇش تىرەكتىڭ مەرەكەسى

قوستانايدا كەشە اق جاۋىن قۇيىپ تۇردى. بۇل استىقتى ءوڭىر­دەگى ديقانداردىڭ كوپتەن كۇتكەن ءۇمىتى ەدى. رەسپۋب­لي­كا­لىق ءىV پاتريوتتار فورۋمى­نىڭ باستالۋى دا تابيعاتتىڭ وسىنداي سىيىنا تۋرا كەلدى. قازاقستان رەسپۋبليكاسى گەر­بىنىڭ اۆتور­لارى شوتا ءۋا­ليحانوۆ پەن جانداربەك ءمالى­بەكوۆ مەملەكەتتىك رامىزدەر كۇنىنە وراي­لاس­تىرىلعان فو­رۋم­­نىڭ باستى قوناقتارى بول­دى. «قازاقستان العا, بيىككە سامعا!» «مەنىڭ وتانىم – قا­زاقستان!» دەپ ۇرانداتىپ تۇر­عان جاستاردىڭ الدىندا اتاق­تى ساۋلەتشى شوتا ءۋاليحانوۆ ءسوز سويلەدى. – مەن قۋانىشتان تولقىپ تۇر­مىن. احمەت بايتۇر­سى­نوۆ­تىڭ ەسكەرتكىشىن تانىمال ءمۇ­سىن­شى, مار­قۇم تولەگەن دوس­ما­عانبەتوۆ ەكەۋمىز جاساعان ەدىك. بۇل قازاق­ستان­داعى وتە ءساتتى شىققان ونەر تۋ­ىن­دىلارىنىڭ ءبىرى. قازاق­ستان­نىڭ, قازاق حال­قى­نىڭ تاۋەلسىزدىگى ءۇشىن اسا قاجىرلى جىگەر جۇم­سا­عان تۇل­عانىڭ ءبىرى – احمەت باي­تۇر­سىنوۆ. جاستار, احاڭ يدەيا­لارىنا ادال بولىڭدار! سەندەر دە ەلىمىز ءۇشىن وسى احاڭ سياق­تى ازاماتتىق ءىس تىندى­رىڭ­دار, قو­عامعا قايرات­كەر­لىكپەن ەڭبەك ءسى­ڭىرىڭدەر! – دەدى شوتا اعامىز. مۇنان كەيىن فورۋم دەلە­گات­تا­رى جەڭىس پاركىندەگى ءماڭ­گىلىك وتقا, 30-شى جىلدارداعى ساياسي قۋعىن-سۇرگىن قۇر­بان­دا­رىنا, ۇلى وتان سوعىسىندا قازا تاپقاندار جانە يادرولىق سىناقتان زارداپ شەككەندەرگە ارناپ قويىلعان وبە­ليسكىلەرگە گۇل شوقتارىن قوي­دى. سوعىس كەزىندە قوستانايعا كو­شىرىلگەن گوسپيتالدا كوز جۇمعان سول­دات­تارعا, وسى وبلىس ورتا­لى­عى­­نان شىققان باتىرلارعا قوي­­ىل­عان بەلگىلەردى ارالاپ, جاسىل جەلەككە, گۇلزارعا وران­عان پاركتى تاماشالادى. №1 بالالار مەن ءجاسوس­پى­رىم­دەر مەكتەبىندە قازاقستان سپور­تىنىڭ جارقىن وكىلى مار­قۇم بەكزات ساتتارحانوۆتىڭ اتا-اناسى سەي­ىلحان جانە سىر­لىكۇل ساتتارحانوۆتارمەن كەزدەسۋ بول­دى. سپورت سيقىرى ارباعان قاي سپورت­شى بەكزاتتى وزىنە يدەال تۇت­پايدى دەيسىز؟!. ال بەكزات بوكس­تاعى العاشقى جەڭىس جولىن قوس­تا­نايدا جاس­وسپىرىمدەر ارا­سىندا وتكەن رەس­پۋبليكا چەمپيو­نا­تى­نان باس­تاعان ەكەن. وسى جارىستا ون التى جاسار بەكزات تۋعان جەرى تۇركىستانعا قوس­تانايدان چەمپيون بولىپ ورا­لىپتى. سەيىلحان اعانىڭ وسىن­داي دەرەكتەردەن باس­تالعان اڭگىمەسى جاس سپورتشى­لارعا وتە تانىمدى اسەر ەتتى. فورۋم دەلەگاتتارىنىڭ كور­­كەم­سۋرەت گالەرەياسىنان, وبلىس­تىق تاريحي-ولكەتانۋ, ى.ال­تىن­ساريننىڭ مەموريالدىق مۋزەيلەرىنەن العان اسەرلەرى مول بولدى. تاريحي-ولكەتانۋ مۋزەيىندە «قوس­تاناي جاستارى التىن كىتابى­نىڭ» تۇساۋكەسەرى ءوتتى. بۇل تەك قوستانايدا قانات قاققان جوبا. توبىل-تورعاي ءوڭى­رىندەگى وقۋ­دا, ونەردە, ەڭ­بەكتە, قوعام­دىق ومىردە ۇزدىك جاستاردىڭ ەسى­مى وسى «ال­تىن كىتاپقا» ال­تىن ارىپپەن جا­زى­لادى. ولار­دىڭ سانى بۇگىندە جۇزدەن اسىپ كەتتى. جاقسىنى كورمەك ءۇشىن. ەلىمىز ەكونوميكاسىنىڭ تىرەكتەرى­نىڭ ءبىرى, كەن الىبى – «سوكولوۆ-سارى­باي كەن ءوندىرۋ بىرلەستىگى» اكتسيونەرلىك قوعامىنىڭ كارەرى دە سول كۇنى فورۋم قوناقتارىن قابىل­دادى. بيىكتەن قاراعاندا الا­قان­داعىداي كورىنىپ جاتقان كەنىشتە جاپونيالىق الىپ تەحنيكالار الىس­تان قۇمىرسقاداي قىبىرلاپ كورىنەدى. مۇندا ەڭ­بەك ەتەتىن جاس­تار وسى شەتەلدىك تەحنيكا­لار­دى ۇرشىقتاي ءۇيى­رە­دى. ادام قو­لىمەن جاسالعان سول الىپقا قا­راپ تۇرىپ, قانداي جاستىڭ وتان­عا, ەلگە, تۋعان جەرگە دەگەن ءسۇيىس­پەنشىلىك سەزىمى جۇرەگىن تا­سىت­پايدى! دەگەنمەن, باستى بايلىق ءبىز­دىڭ بىرلىگىمىزدە. مەملە­كەتى­مىز­دىڭ كوك زەڭگىر كەڭىستىكتەي كوك تۋى, ەلتاڭ­باسى, ءانۇرانى وشاق­تىڭ ءۇش بۇتى سياقتى ءۇش رۋحاني تىرەگىمىز ەكەنىن فورۋمعا قاتىس­قان ءار جاس جۇرەكپەن سەزىندى. سوندىقتان تەك فورۋم دەلەگات­تارى عانا ەمەس, ءار قا­زاقستاندىق ولارعا دەگەن ءوزىنىڭ قۇرمەتىن ايالاي بىلسە بولعانى. رەسپۋب­لي­كالىق ءىV پاتريوتتار فو­­رۋمىنىڭ العاشقى كۇنى مول اسەرىمەن ەستە قالارى انىق. التاي مەن اتىراۋ, ارقا مەن سىر, الاتاۋ اراسىنان كەلگەن جاستار توبىل ءوڭىرىنىڭ تامىلجىعان تا­بي­عاتىن دا, بايلىعىن دا ج­ا­قى­نىراق ءبىلدى, تاعىلىمدى تا­ريحىنا تەرەڭىرەك ءۇڭىلدى. ادام­دارىنىڭ پەيىلىنە ءماز بولدى. تانىعان ساي­ىن ولاردىڭ بايتاق ەلىمىزدىڭ ءبىر پۇشپاعى قوس­تانايعا دەگەن قۇر­مەت سەزىمى ويانارى حاق. جاقسى كور­گەنىن, قۇرمەتتەگەنىن ەشكىم جا­مان­دىققا قيمايدى, قور­عاي­دى. فورۋم دەلەگاتتارىنىڭ ءبىرى مۇنى پاتريوتيزم دەپ ءتۇ­سىندىردى. فورۋم بۇگىن جالعاسادى. ءنازيرا جارىمبەتوۆا, قوستاناي.