مەملەكەت باسشىسى نۇرسۇلتان نازارباەۆ «قازمۇنايگاز» ۇك» اق باسقارما توراعاسى قايىرگەلدى قابىلديندى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ق.قابىلدين پرەزيدەنتكە كومپانيانىڭ 2010 جىلعى جۇمىسىنىڭ قورىتىندىلارى تۋرالى, 2011 جىلعا ارنالعان جوسپارى جانە 2020 جىلعا دەيىنگى دامۋ كەلەشەگى جايلى بايانداپ بەردى.
– كومپانيا وتكەن جىلى بارلىق جوسپارلانعان وندىرىستىك جانە قارجىلىق كورسەتكىشتەرىنە قول جەتكىزدى. تاۋەلسىزدىك جىلدارى ىشىندە ءۇش وتاندىق زاۋىتتا مۇناي وڭدەۋ بارىنشا جوعارى دەڭگەيگە – 13,7 ميلليون تونناعا جەتتى. كومپانيانىڭ تابىسى 2010 جىلى 305 ميلليارد تەڭگەنى قۇرادى, بۇل 2009 جىلمەن سالىستىرعاندا 2,5 ەسە ارتىق. بيۋدجەتكە 413 ميلليارد تەڭگە سالىقتىق تولەمدەر تولەندى. ءبىز ۇلتتىق كومپانيا رەتىندە الەۋمەتتىك جاۋاپكەرشىلىك الدىق. وتكەن جىلى ءبىزدىڭ تاراپىمىزدان الەۋمەتتىك جوبالاردى دامىتۋعا 200 ميلليون اقش دوللارى ءبولىندى, – دەپ اتاپ ءوتتى ق.قابىلدين.