«نۇر وتان» حالىقتىق-دەموكراتيالىق پارتياسىنىڭ پارلامەنت ماجىلىسىندەگى فراكتسياسىنىڭ جەتەكشىسى ورال مۇحامەدجانوۆتىڭ توراعالىعىمەن فراكتسيا تورالقاسىنىڭ وتىرىسى ءوتتى. وتىرىستا كۇن تارتىبىنە سايكەس, دەپۋتاتتار – فراكتسيا مۇشەلەرىنىڭ رەسپۋبليكا وڭىرلەرىندە اتقارعان كوشپەلى جۇمىستارىنىڭ قورىتىندىلارى, سونداي-اق «نۇر وتان» حدپ فراكتسياسىنىڭ IV سەسسياعا ارنالعان ءىس-شارالار جوسپارىنىڭ ورىندالۋ بارىسىن قارادى, دەپ حابارلادى ءماجىلىستىڭ ءباسپاسوز قىزمەتى.
بيىلعى جىلعى 25 ءساۋىر مەن 5 مامىر ارالىعىندا پارلامەنت ءماجىلىسىنىڭ دەپۋتاتتارى – «نۇر وتان» حدپ فراكتسياسىنىڭ ءمۇشەلەرى قازاقستان رەسپۋبليكاسىنىڭ پرەزيدەنتى, ۇلت كوشباسشىسى, «نۇر وتان» حدپ ءتوراعاسى نۇرسۇلتان نازارباەۆتىڭ «بولاشاقتىڭ ىرگەسىن بىرگە قالايمىز» اتتى قازاقستان حالقىنا جولداۋىندا, پارتيانىڭ ءحىىى سەزىندە, ۇلىقتاۋ راسىمىندە, ۇكىمەتتىڭ 2011 جىلعى 17 ساۋىردەگى كەڭەيتىلگەن جينالىسىندا جانە قازاقستان حالقى اسسامبلەياسىنىڭ 17-ءشى سەسسياسىندا سويلەگەن سوزدەرىنەن تۋىندايتىن اۋقىمدى مىندەتتەردى حالىققا ءتۇسىندىرۋ ماقساتىندا رەسپۋبليكا ءوڭىرلەرىندە بولىپ قايتتى.
بەكىتىلگەن كەستەگە سايكەس, كوشپەلى جۇمىس شەڭبەرىندە دەپۋتاتتار 460-تان استام ەلدى مەكەنگە بارىپ, 99 مىڭنان اسا ادام قاتىسقان, 807 كەزدەسۋ وتكىزدى. تۇسىنىك جۇمىستارىنا حالىقتىڭ بۇكىل توپتارى – سوعىس جانە ەڭبەك ارداگەرلەرى, زەينەتكەرلەر, كاسىپورىنداردىڭ جۇمىسشىلارى مەن ينجەنەرلىك-تەحنيكالىق قۇرامى, بيۋدجەت سالاسى قىزمەتكەرلەرى, مەملەكەتتىك قىزمەتكەرلەر, جوعارى وقۋ ورىندارى مەن كوللەدجدەردىڭ ستۋدەنتتەرى, مەكتەپ وقۋشىلارى, جەرگىلىكتى اتقارۋشى ورگانداردىڭ وكىلدەرى, ءماسليحات دەپۋتاتتارى, «نۇر وتان» حدپ وڭىرلىك جانە اۋماقتىق فيليالدارىنىڭ باسشىلارى مەن پارتيانىڭ قاتارداعى مۇشەلەرى, ۇكىمەتتىك ەمەس ۇيىمداردىڭ وكىلدەرى قامتىلدى.
وتكىزىلگەن كەزدەسۋلەر بارىسىندا پرەزيدەنتتىڭ بيىلعى جولداۋى «قازاقستان-2030» ستراتەگياسىنىڭ, قازاقستان رەسپۋبليكاسىن 2020 جىلعا دەيىنگى دامىتۋدىڭ ستراتەگيالىق جوسپارىنىڭ لوگيكالىق جالعاسى بولىپ تابىلاتىندىعى ءجانە بۇل قۇجات ەلدى ودان ءارى ۇدەمەلى يندۋستريالىق-يننوۆاتسيالىق دامىتۋدى, سونداي-اق ءاربىر قازاقستاندىقتىڭ ءومىرىن ساپالىق جاعىنان جاقسارتاتىن بارلىق جاعدايلاردى جاساۋعا باعىتتالعان جاڭا الەۋمەتتىك ساياساتتى جۇرگىزۋدى ءوزىنىڭ ماقساتى ەتىپ بەلگىلەيتىندىگى اتاپ كورسەتىلدى.
كوشپەلى جۇمىس بارىسىندا ازاماتتاردى پارتيانىڭ قوعامدىق قابىلداۋلارى جاعدايىنا ايرىقشا كوڭىل ءبولىندى. وسى ارالىقتا دەپۋتاتتار ازاماتتاردىڭ 1450-دەن اسا ارىز-وتىنىشتەرىن قارادى. كەزدەسۋلەر بارىسىندا سايلاۋشىلار قويعان پروبلەمالى ماسەلەلەر دەپۋتاتتار تاراپىنان باقىلاۋعا الىندى. 2011 جىلعى 12 جانە 18 مامىردا وتكەن پارلامەنت ءماجىلىسىنىڭ جالپى وتىرىستارىنىڭ وزىندە ۇكىمەت باسشىلىعىنىڭ ءجانە ءتيىستى مەملەكەتتىك ورگانداردىڭ لاۋازىمدى تۇلعالارىنىڭ اتىنا 50 دەپۋتاتتىق ساۋال جولداندى. ءبىرقاتار ماسەلەلەر ورنىندا شەشىلدى.
دەپۋتاتتاردىڭ تۇرعىندارمەن جۇرگىزگەن جۇمىسى «نۇر وتان» حدپ وڭىرلىك فيليالدارىمەن تىعىز قارىم-قاتىناستا ۇيىمداستىرىلدى.