وزگەرىستەر وزەگى – وڭتايلاندىرۋ

كەشە قىلمىستىق پروتسەستى ود­ان ءارى رەفورمالاۋ تۋرالى زاڭ جوبا­سى­نىڭ جاي-كۇيى تالقى­لان­عان ءدوڭ­گە­لەك ۇستەل وتىرىسى بو­لىپ ءوتتى, دەپ حابار­لادى باس پرو­كۋراتۋرانىڭ باس­­پاسوز قىز­مەتى. وندا قولدانىس­تا­عى زاڭنا­ما­لارعا ەنگىزۋگە ۇسى­نى­لىپ وتىر­عان جانە ۇلتتىق قىلمىس­تىق ءىس جۇرگىزۋ قۇقىعىن ودان ءارى دامىتۋ بارى­سىن­داعى ەرەكشە ما­ڭىزى بار نەگىزگى ءماس­ەلەلەر جان-جاقتى تال­قىلانعان. اتالعان ماسەلەنى تال­قىلاۋ ءۇشىن دوڭگەلەك ۇستەلگە پارلامەنت دەپۋتات­تارى, پرەزيدەنت اكىمشى­لىگىنىڭ, كونس­­تيتۋتسيالىق كەڭەستىڭ, جو­عار­عى سوت­تىڭ, ۇلتتىق قاۋىپ­سىز­دىك كومي­تەتىنىڭ, ادىلەت مي­نيس­تر­لى­گىنىڭ, ەكونو­مي­كا­لىق قىل­مىس­قا جانە سى­باي­لاس جەم­قورلىققا قارسى كۇرەس اگەنت­تىگىنىڭ جانە باسقا دا مۇددەلى مەملەكەتتىك ور­گان­داردىڭ, ادۆوكاتتار قاۋىمداس­تىعى­نىڭ وكىلدەرى, سونداي-اق حا­لىق­ارالىق جانە ۇكىمەتتىك ەمەس ۇيىم­دار­دىڭ ساراپ­شىلارى, عا­لىم­دار قا­تىستى. ولاردىڭ تالقىسىنا تارتىل­عان قىلمىستىق پروتسەستى ودان ءارى رەفورمالاۋ تۋرالى زاڭ جوبا­سى­نىڭ باستى يدەيا­سى بارلىق تەرگەۋ ارەكەتتەرىن ءجۇر­گىزۋ بارىسىندا ناقتى ءتارتىپتى, وبەكتيۆتى جانە تەڭگەرىمدى ۇستانىم مەن ازامات­تاردىڭ كونستيتۋتسيالىق قۇ­قىق­تارى مەن بوستاندىقتارىن قام­­تاماسىز ەتۋ بولىپ تابىلادى. اتاپ ايتقاندا, وندا سوتقا دەيىنگى ءوندىرىستى وڭتايلاندىرۋ جانە جەڭىلدەتۋ بارى­سىندا قىلمىستىق پروتسەستەن تەرگەۋگە دەيىنگى تەكسەرىستى, قىلمىستىق ءىس قوزعاۋ كە­زەڭىن, ايىپ تاعۋدى الىپ تاستاۋ, سوت وكىلەتتىگىنە كەيبىر تەرگەۋ امال­دارىن بەرۋ كوز­دە­لەدى. سونى­مەن قاتار, بۇرىن تەرگەۋ­شى­نىڭ قۇزىرە­تىن­دە بولعان ماجبۇرلەۋ شا­را­لارىن سوت­قا دەيىنگى ءوندىرىس بارى­سىن­دا تەك پرو­كۋروردىڭ سانك­تسياسىمەن عا­نا قول­­­­دانۋ قاراستى­رىلىپ وتىر. قىلمىستىق پروتسەستى ودان ءارى رەفورمالاۋ تۋرالى زاڭ جوباسىن تال­قى­لاۋ بارىسىنداعى وزگەرىس­تەر­دەن كۇ­تى­لەتىن تاعى ءبىر ما­ڭىز­دى جاڭالىق – سوتتىڭ قىلمىستىق ىستەردى قايتا تەرگەۋگە جولداۋ ينستيتۋتىن الىپ تاستاۋ بولىپ وتىر. سوت تارابىنا تەك پرو­كۋ­رورعا قو­سىمشا تەرگەۋ امالدارىن ءجۇر­گىزۋ تۋرا­لى ۇسىنىم بەرۋ قۇقى­عىن قالدىرۋ ۇسى­نىلعان. دەمەك, وسى­عان بايلانىستى ەندى, قا­جەت بولعان جاع­دايدا پروكۋرور ايىپ­تاۋدىڭ كولە­مىن وزگەرتۋگە ءجا­نە ونى اۋىرلاتۋعا دا قۇقىلى بولادى دەگەن ءسوز. دوڭگەلەك ءۇس­تەل­گە قاتىسۋشىلار اتالعان وزگە­رىس­تەردىڭ ماڭىزدىلىعىن جانە دەر ۋاق­تىلى ەنگىزىلىپ وتىرعانىن اتاپ ءوتىپ, سوتقا دەيىنگى قىل­مىس­تىق ءوندىرىستى جە­تىلدىرۋ ماقسا­تىندا ويلارىمەن ءبو­لىستى. سونىمەن قاتار ءباسپاسوز قىز­مەتى باس پروكۋرور اسحات داۋىل­باەۆ­تىڭ كورەيا رەسپۋبليكاسىنىڭ قازاقستان رەسپۋبليكاسىنداعى ءتو­­تەن­شە جانە وكى­لەتتى ەلشىسى لي بەن-حۆامەن كەزدەسكەنىن جەتكىزدى. كەزدەسۋ بارىسىندا ەكىجاقتى ىن­تى­ماقتاستىقتى دامىتۋ­دىڭ نەگىزگى ءما­سە­لەلەرى قوزعالىپ, باس پروكۋرور جان-جاقتى بايلانىستىڭ جو­عارعى دەڭگەيىمەن سيپاتتا­لا­تىن كو­­رەيا مەن قازاقستاننىڭ مەم­لە­كەت­­ارالىق قا­تى­ناس­تارىنىڭ قۇ­قىق­­تىق سالا­سىن­دا ءوزارا ءتيىمدى سە­رىك­تەستىكتىڭ ۇلكەن دارەجەگە يە بو­لا­تىنىن اتاپ وتكەن. اراداعى وس­ىن­داي ىنتىماق­تاس­تىق­تىڭ ار­قا­سىندا سوڭعى كەزدەرى قۇ­قىقتىق كو­مەك جانە ۇستالعان ادام­داردى بەرۋ تۋرالى ەكى كەلىسىمگە قول قويىلدى. كەزدەسۋ بارىسىندا سىبايلاس­تىق­قا قارسى كۇرەس, كيبەر­قىل­مىس­­تى­لىق, زاڭسىز جولمەن الىن­عان كىرىستەرگە ارەكەت ەتۋدەگى قا­رىم-قاتى­ناستى ودان ءارى دامىتۋ ماسەلەلەرى قوزعالدى. قىلمىستىڭ وسى ساناتىن اشىپ, تەرگەۋ كەزىندە الدىڭعى قا­تارلى تەحنولگيالارمەن الماسۋ, وقۋ كۋرستارى مەن ترەنينگتەردىڭ وتكى­زىلۋىن ۇيىم­داس­تىرۋ, ادىستەمەلىك جانە اقپا­رات­تىق-تالداۋ ماتەريال­دارى­مەن الماسۋ سا­لا­سىندا ەكى جاق­تى باي­لانىستى ۇل­عايتۋ تۋرالى كەلىسىم جاسالدى. الەكساندر تاسبولاتوۆ.