سولتۇستىك قازاقستان وبلىسىنىڭ اكىمدىگى مەن مادەنيەت مينيسترلىگىنىڭ مادەنيەت كوميتەتى تاۋەلسىزدىگىمىزدىڭ 20 جىلدىق مەرەيتويىنا ارناپ 2011 جىلعى 20-22 قازان كۇندەرى پەتروپاۆل قالاسىندا ءى رەسپۋبليكالىق «ماعجان كوكتەمى» ونەر فەستيۆالىن وتكىزەدى.
«قازاقتىڭ اسىل پەرزەنتى, التى الاشتىڭ ارداقتىسى, حالقى ءۇشىن, ەلىنىڭ بولاشاعى ءۇشىن جارقىراپ جانعان, كۇنگە عانا تابىنعان, وزىنە عانا باعىنعان, جۇرەگى مەن جانى – وت, يمانى مەن ارى – وت ماعجان جۇماباەۆ پوەزيا الەمىندەگى ساۋلەسى ماڭگى وشپەس جۇلدىز, قايتالانباس قۇبىلىس!» – دەپ جازدى ەلباسى ن.ءا. نازارباەۆ ءوزىنىڭ «تاريح تولقىنىندا» اتتى كىتابىندا. «بۇگىنگى كۇننىڭ بار جازۋشىنىڭ ىشىنەن كەلەشەككە بوي ۇرىپ, ارتقى كۇنگە انىق قالۋعا جارايتىن ماعجاننىڭ ءسوزى» (م. اۋەزوۆ) – قازاق ادەبيەتىن حح عاسىردىڭ باسىندا-اق الەمدىك دەڭگەيگە كوتەردى. ول حالقىنا ءبۇكىل ولەڭىمەن, ومىرىمەن جانىن سالا قىزمەت ەتتى. ماعجاننىڭ ءوز ۇلتىنا دەگەن ماحابباتى ادامزاتقا دەگەن سۇيىسپەنشىلىگىمەن جىكسىز ۇلاسىپ جاتتى. ماعجان ورتا ازيا اقىندارىنىڭ اراسىنان سۋىرىلىپ شىعىپ, تۇران جۇرتى مەن تۇركى قۇندىلىقتارىن جىرلادى. تۇران حالىقتارىنىڭ سوناۋ گۇننەن باستالاتىن تاريحىن شولىپ, وسىناۋ ەۋرازيالىق كەڭىستىكتەگى مادەني, رۋحاني بايلانىستار ءبوگەسىندەرىنە ەرەسەن قايرات كورسەتتى. ماعجان الەمىن تانىعان, تەرەڭىنە بويلاعان ءار ادامنىڭ جان دۇنيەسى ەرەكشە نۇرلانىپ, ءورىسى اشىلارى ءسوزسىز.
فەستيۆالدىڭ باستى ماقساتى – ۇلى اقىننىڭ شىعارماشىلىق مۇراسىن جۇيەلى تۇردە ناسيحاتتاپ, ەسىمىن ەل ەسىندە ماڭگى ساقتاۋ, جاس ۇرپاقتى وتانسۇيگىشتىككە تاربيەلەۋ, حالىقتىڭ مادەني-رۋحاني اياسىن كەڭەيتۋ جانە ادەبيەت پەن ونەر, مۋزىكا سالالارىندا وزىق دۇنيەلەردىڭ كەلۋىنە مۇمكىندىك تۋدىرۋ.
فەستيۆال تومەندەگىدەي ءۇش نوميناتسيا بويىنشا وتكىزىلەدى:
ءى. ماعجانعا ارنالعان جازبا اقىندار ءمۇشايراسى. مازمۇنى مەن تاقىرىبى ۇلى اقىننىڭ شىعارماشىلىق-ادامي كەلبەتىن, اينىماس ۇستانىمىن, ەلدىك-ەرلىك قاسيەتىن, ۇلت تاعدىرىنداعى الاتىن ورنىن, تۋىپ وسكەن جەرىنىڭ شەجىرەلى تاريحىن, سۇلۋ تابيعاتىن, وسى وڭىردە ءومىر ءسۇرىپ جاتقان حالىقتىڭ اق پەيىلدى دوستىق قۇشاعىن, قازاقستان ەكونوميكاسىن كوتەرۋدەگى جاسامپاز ىستەرىن كورسەتەتىن تۋىندىلار بولعانى ابزال. بۇرىن ەش جەردە جاريالانباعان, ورىندالماعان, 14 كەگلمەن باستىرىلعان, كولەمى 4-5 بەتتىك ءبىر نەمەسە بىرنەشە ولەڭدەردەن تۇراتىن توپتاماسى بۇركەنشىك (پسەۆدونيم) اتپەن ءبىرىنشى جەكە كونۆەرتتە جىبەرىلەدى.
ءىى. ماعجان ولەڭدەرىن مانەرلەپ وقۋ – كوركەمسوز وقۋشىلار ونەرى. اقىننىڭ مۇراسى – ولەڭدەرى, پوەمالارى, پروزالارى جاتقا وقىلىپ, اۋديوتاسپاعا, سD, DVD, نەمەسە ميني-ديسكىگە جازىلعان تۇرىندە بۇركەنشىك (پسەۆدونيم) اتپەن ءبىرىنشى جەكە كونۆەرتتە جىبەرىلەدى. ۇزاقتىعى: 7-8 ءمينوت.
ءىىى. ماعجان ولەڭدەرىنە جازىلعان جاڭا اندەر.
مۋزىكالىق تۋىندىنىڭ ۇزاقتىعى 3-4 مينوتتەن اسپاۋى كەرەك. ول اۋديوتاسپاعا, سD, DVD-ديسكىلەرگە, نەمەسە ميني-ديسكىگە جازىلعان تۇرىندە, بۇعان قوسا ەكى دانا كلاۆيرى (پارتيتۋراسى) مەن ەكى دانا ولەڭى قوسا جىبەرىلەدى. بۇلار بۇركەنشىك (پسەۆدونيم) اتپەن ءبىرىنشى جەكە كونۆەرتتە جىبەرىلەدى. ءبىر اۆتوردىڭ بىرنەشە شىعارماسىمەن قاتىسۋعا قۇقىعى بار.
مۇشايراعا قاتىسۋشىلاردىڭ, مانەرلەپ وقۋشىلاردىڭ, ءانشىلەردىڭ شەبەرلىگىنە, مادەنيەتىنە, داۋىسىنىڭ سۇلۋلىق يىرىمدەرىنە ادىلقازىلار تاراپىنان ۇلكەن ءمان بەرىلەدى. قاتىسۋشىلاردىڭ جاسىنا شەك قويىلمايدى.
ءمۇشايرا جىر-ولەڭدەرى, ءمانەرلەپ وقۋشىلار ونەرى, جاڭا ءاندەر 2011 جىلدىڭ 30 قىركۇيەگىنە دەيىن مىنا مەكەن-جايعا جىبەرىلەدى: 642027, پەتروپاۆل قالاسى, قازاقستان كونستيتۋتسياسى كوشەسى, 58 ءۇي, سولتۇستىك قازاقستان وبلىسىنىڭ اكىمدىگى. بايلانىس تەلەفونى: (87152) 46-03-32.
جەڭىمپازدارىنىڭ گالا-كونتسەرتى 2011 جىلى 22 قازاندا وتەدى.
قاتىسۋشىلار تومەندەگى قۇجاتتاردى ەكىنشى جەكە كونۆەرتتە قوسا جىبەرەدى:
– جەكە جانە سالىق تولەۋشى كۋالىكتەرىنىڭ كوشىرمەلەرى;
– شىعارماشىلىق ءومىربايانى;
– ءبىلىمى جايىنداعى كۋالىكتىڭ كوشىرمەسى (وقۋشىلار مەن ستۋدەنتتەر ءۇشىن انىقتاما);
– ءتۇرلى-ءتۇستى 13ح18 كولەمدەگى ەكى فوتوسۋرەت;
– مەكەن-جايى, بايلانىس تەلەفونى, ەلەكتروندىق پوشتاسى.
جەڭىمپاز اتانعان اۆتورلار مەن ورىنداۋشىلاردىڭ جاتىن ورنىن, كەلىپ-كەتۋ جولىن (تەمىر جول), تاماعىن ۇيىمداستىرۋشى جاق كوتەرەدى.
قازىلار القاسىنا رەسپۋبليكانىڭ بەلگىلى مادەنيەت, ادەبيەت ءجانە ونەر قايراتكەرلەرى شاقىرىلادى.
ماراپاتتاۋ جۇلدەلەرى
فەستيۆال جەڭىمپازدارىنا تومەندەگىدەي جۇلدەلەر تاعايىندالادى:
- ءبىر باس جۇلدە جانە لاۋرەات اتاعى ء(ۇش نوميناتسياعا ورتاق);
- ءبىر ءبىرىنشى جۇلدە جانە لاۋرەات اتاعى ء(ار نوميناتسيا بويىنشا);
- ءبىر ەكىنشى جۇلدە جانە لاۋرەات اتاعى ء(ار نوميناتسيا بويىنشا);
- ءبىر ءۇشىنشى جۇلدە جانە لاۋرەات اتاعى ء(ار نوميناتسيا بويىنشا);
- ەكى كوتەرمەلەۋ جۇلدەسى جانە ديپلومانت اتاعى ء(ار نوميناتسيا بويىنشا).