ءبىلىم جانە عىلىم مينيسترلىگى جانىنداعى عىلىم كوميتەتىنىڭ فيلوسوفيا جانە ساياساتتانۋ ينستيتۋتى الماتى قالاسىندا قازاقستان رەسپۋبليكاسى تاۋەلسىزدىگىنىڭ 20 جىلدىعىنا ارناپ «تاۋەلسىز قازاقستاننىڭ حالىقارالىق دارەجەسىنىڭ ءوسۋى جانە جاھاندانۋ جولى» اتتى حالىقارالىق عىلىمي-تاجىريبەلىك كونفەرەنتسيا وتكىزدى.
كونفەرەنتسياعا فيلوسوفيا جانە ساياساتتانۋ ينستيتۋتىنىڭ ديرەكتورى ءا.نىسانباەۆ, ءبىلىم جانە عىلىم مينيسترلىگى عىلىم كوميتەتىنىڭ حاتشىسى ب.قاسىمبەكوۆ, پارلامەنت ءماجىلىسىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ ءمۇشەسى, پروفەسسور ك.بۇرحانوۆ, سەنات دەپۋتاتى ا.بيجانوۆ قاتىسىپ, ەلىمىزدىڭ حالىقارالىق قاتىناستار جۇيەسىندەگى ءرولى مەن ورنىنا تالداۋ جاسادى. جيىندا مۇنان وزگە قازاقستاننىڭ سىرتقى ساياساتى, ەقىۇ توراعالىعىنداعى جەتىستىگى, شىۇ ءسامميتى, يسلام كونفەرەنتسياسى ۇيىمى توراعالىعى جانە يسلام الەمىنە ءوزىن بىرەگەيلەۋى, ن.نازارباەۆتىڭ ەۋرازيا دوكتريناسى, قازاقستان مەن ورتالىق ازيا مەملەكەتتەرىنىڭ ءححى عاسىرداعى الەمدىك ءتارتىپ جاعدايىنداعى ورنى سياقتى ءبىرقاتار ماڭىزدى ماسەلەلەر قوزعالدى.
ەلىمىز ءوز تاۋەلسىزدىگىنىڭ 20 جىلدىق جولىندا الەۋمەتتىك-ەكونوميكالىق دامۋ, ساياسي جۇيەنى قالىپتاستىرۋ سەكىلدى ۇلكەن جەتىستىكتەرگە قول جەتكىزىپ, حالىقارالىق ساحنادا جوعارى بەدەلگە يە بولدى. ەقىۇ ءتوراعالىعى مەن اتالعان ۇيىمنىڭ ءسامميتى, يكۇ مەن شىۇ-نىڭ ىنتىماقتاستىق ءسامميتى سەكىلدى وتكىزىلگەن جانە جوسپارلانعان ءىرى شارالار ەلىمىزدىڭ سىرتقى ساياساتىنىڭ دا وزىندىك باعىت-باعدارىندا ۇلكەن ورىنعا يە ەكەندىگىن ايعاقتاپ بەردى.
قانات ەسكەندىر, جۋرناليست. الماتى.