باسەكەگە قابىلەتتىلىكتىڭ باعاسى ارتقان تۇستا ەركىن ەلدە ءوسىپ, تاۋەلسىزدىگىمىزبەن بىرگە جاس بۋىنعا باقىتتىڭ ءدامىن سەزىنتۋمەن قاتار جاۋاپكەرشىلىك جۇكتەگەن دە ءجون. التىن اسىقتاي ۇلدارىمىز بەن يناباتتى قىزدارىمىز ەلىمىزدىڭ وركەندەپ, كوركەۋىنە ۇلەستەرىن قوسۋدى ماقسات ەتۋدە. ەل مۇددەسىن اسقاق ۇستايتىن دارىنى مەن قارىمى كەلىسكەن جاستار تەكەلىدە از ەمەس. ءتىپتى حالىقتاردىڭ ۇشتەن ءبىرىن جاستار قۇرايدى. قاي ىسكە جۇمىلسا دا, زاماناۋي تىڭ باستاما كوتەرىپ, جالىندى جىگەر تانىتىپ, كەلەشەككە دەگەن سەنىمنىڭ وتىن لاۋلاتا تۇسەدى.
مەملەكەت باسشىسى نۇرسۇلتان نازارباەۆ «جاس وتان» جاستار قاناتىنىڭ ءى سەزىندە جاستار ساياساتىنىڭ اسا ماڭىزدى مىندەتى تولىمدى دا باسەكەگە قابىلەتتى تۇلعانى – «بولاشاق قازاقستاندىقتى» تاربيەلەۋ قاجەتتىگىن اتاپ ايتقان بولاتىن. بۇل تۇرعىدا «جاسوتاندىقتار» ءبىلىم-بىلىكتەرىن تاجىريبەمەن توعىستىرعان. تۋعان ەل, وتانعا دەگەن سۇيىسپەنشىلىكپەن ساباقتالعان ۇلەستەرىن قوسۋدى قاتار ۇستانۋدا. ءتاۋەلسىزدىك قۇرداستارىنىڭ ءوزى ات جالىن تارتىپ ءمىنىپ, جيىرماعا كەلىپ جاتقاندا ۇلتىمىزدىڭ ۇياتى مەن ار-وجدانى تەكتى ۇرپاقتىڭ وتان الدىنداعى شەكسىز جاۋاپكەرشىلىكتى سەزىنۋى ەڭ باستى كۇش دەر ەدىم. ءبۇكىل ەل قولداۋ كورسەتىپ, سەنىم ارتىپ وتىرعاندا جاستاردىڭ اعات باسىپ, سالعىرتتىق تانىتۋىنا جول جوق ەكەنى دە باسى اشىق اڭگىمە.
قازاقستاننىڭ بولاشاعى بۇگىنگى جاس ۇرپاقتىڭ ويىنا ءسىڭىپ, بويىنا داريتىن ءتالىم-تاربيەگە بايلانىستى. تەكەلىدە مەملەكەتتىك جاستار ساياساتىنىڭ ىزىمەن جۇزەگە اسىرىلعان شارالاردىڭ ءوز تاعىلىمى بار. ىشكى ساياسات, مادەنيەت جانە تىلدەردى دامىتۋ ءبولىمى اتقاراتىن جۇمىستاردىڭ باسىم بولىگى وتانشىل رۋحتى, ءبىلىمدى, باسەكەگە قابىلەتتى جاستاردىڭ ازامات رەتىندە قالىپتاسۋىنا وڭ ىقپال ەتۋگە باعىتتالعان.
ءداستۇرلى تۇردە وتكىزىلىپ جۇرگەن جاستار فورۋمى ولاردىڭ قوعامدىق بەلسەندىلىگىن, ەلىنە, جەرىنە دەگەن ءسۇيىسپەنشىلىگىن, كوشباسشىلىق قاسيەتىن دامىتۋىمەن بىرگە قوعامدىق ساياسي تۇراقتىلىقتى ناسيحاتتاۋعا نەگىزدەلگەن. قالاداعى جاستاردىڭ قارىم-قابىلەتىن ەكى جىل قاتارىنان تانىتقان «وركەندەۋدىڭ سارا جولى – ىنتىماق پەن بىرلىكتە» جاستار فورۋمى مەن «ەلدىگىمنىڭ بەلگىسى – مەملەكەتىك ءرامىزدەر» اتتى وبلىستىق فەستيۆال وسكەلەڭ بۋىننىڭ ونەگە الار, ءورىسىن كەڭەيتەر اشىق ايدىنىنا اينالدى.
وڭىرلىك مەملەكەتتىك جاستار ساياساتىن جۇزەگە اسىرۋ ماقساتىندا تەكەلىلىك جاستار اراسىندا ەلباسىنىڭ حالىققا جولداۋىن ناسيحاتتاۋ شارالارى, جاستارعا پاتريوتتىق تاربيە بەرۋ باعىتىندا «جولداۋ رۋحى – جاستار جۇرەگىنە» اكتسياسى, ەتنوسارالىق كەلىسىمدى نىعايتۋ بويىنشا «ىنتىماعى جاراسقان ىرىستى مەكەن», «قازاقستاننىڭ الەمدىك وركەنيەتتەگى بەدەلى مەن ەقىۇ ءتوراعالىق ەتۋدەگى باستى ۇستانىمدارى» سەمينارلارى, ۇلتتىق قۇندىلىقتار مەن ءداستۇرىمىزدى دامىتۋ, سالاماتتى ءومىر سالتىن ناسيحاتتاۋدا «ەل ءۇمىتىن ەر اقتار, ەل بىرلىگىن ەر ساقتار» ءپىكىرتالاسى, قازاقستان رەسپۋبليكاسىنىڭ مەملەكەتتىك ءرامىزدەرىن ءدارىپتەۋ مەن ناسيحاتتاۋدا «ەلدىگىمىزدىڭ تاڭبالارى – ەڭ قاسيەتتى ماقتانىشىمىز» بايقاۋى ۇدايى ۇيىمداستىرىلىپ, جاستار ءپىكىرلەرىن ورتاعا سالدى.
مەملەكەتتىك جاستار ساياساتى ەلدىڭ ەڭ ءبىر وزەكتى, ستراتەگيالىق قۇندىلىعى جوعارى باعىتى بولسا, جاستار ماسەلەسىنە اعا بۋىننىڭ پايىم-پاراسات بيىگىنەن قاراعانى دۇرىس دەر ەدىم. جاستاردىڭ جان-جاقتى دامۋىنىڭ ءتۇرلى جوبالارىنا قولداۋ كورسەتۋ نازاردان تىس قالعان ەمەس. جاستاردىڭ قوعامدىق بەلسەندىلىگىنە تۇرتكى بولاتىن الەۋمەتتىك ماسەلەلەرىن شەشۋ, تۇرعىن ۇيمەن قامتۋ ءومىر تالابى. تەكەلىدە سوڭعى جىلداردا پاتەرگە يە بولعان جاس ماماندار قاتارى وسە تۇسكەن. جۇمىسپەن قامتۋ جاعدايىنا كوز جۇگىرتسەك, جاستار تاجىريبەسىمەن بىلتىر 96, ال جىل باسىنان بەرى 15 جاس مامان جۇمىسقا كىرىستى. قالامىزدا كاسىپتىك تۇرعىدان قايتا ماماندانۋعا مۇمكىندىك وتە ۇلكەن. ءتۇرلى سەبەپتەرمەن وقۋىن جالعاستىرا الماعاندار دا, جاڭا كاسىپكە قىزىعۋشىلىق تانىتقاندار دا قايتا دايارلاۋ كۋرستارىنىڭ جەمىسىن كورۋدە.
تۋعان تابيعاتتى ايالاۋعا باۋلۋعا, ءتۋريزمنىڭ قىر-سىرىن تانۋعا, جاستاردىڭ بوس ۋاقىتىن ءتيىمدى ءوتكىزۋگە قالالىق مادەنيەت ءۇيىنىڭ جانىندا جۇمىس ىستەيتىن «تاۋ سامالى», «برەيك دانس», «جاس دارىندار ستۋدياسى», «شتۋرم», «تاۋ مەرگەنى» سىندى ۇيىرمەلەردىڭ ماڭىزى زور. مۇنىڭ ءبارى دە جاستاردىڭ رەسپۋبليكالىق, وبلىستىق بايقاۋلار مەن جارىستاردا بيىك تۇعىردى باعىندىرىپ, جۇلدەلى ورىنداردى يەلەنۋىنە ىقپال ەتۋدە. وتانشىل ۇرپاق تۋعان تابيعاتتى دا سۇيە ءبىلۋى كەرەك. «جاسىل ەل» باعدارلاماسىن جۇزەگە اسىرۋ اياسىندا «جاسىل جەلەك» ەكولوگيالىق سەنبىلىگى, «جاسىل ەلدىڭ ءبىر كۇنى», «جاستار يادرولىق قارۋسىز بولاشاق ءۇشىن» اكتسيالارىمەن بىرگە تاۋەلسىزدىكتىڭ 20 جىلدىعىنا وراي «جاسىل جاپىراق», «تاۋەلسىزدىككە تارتۋ» اكتسيالارى وتكىزىلىپ, قالا جاسىل جەلەككە وراندى. «جاسىل ەل» رەسپۋبليكالىق باعدارلاماسى اياسىندا جىل سايىن كاسىپتىك ليتسەي وقۋشىلارى مەن جۇمىسسىز جاستار قامتىلىپ, تۋعان قالامىزدى كوركەيتۋ, اباتتاندىرۋ جۇمىستارىنا اتسالىسۋدا. ماۋسىم قورىتىندىسى بويىنشا قالا اكىمدىگى «ەڭ ۇزدىك جۇمىس بەرۋشى» نوميناتسياسى بويىنشا رەسپۋبليكالىق «جاسىل ەل» شتابىنىڭ ديپلومىمەن, سونداي-اق الماتى وبلىسى اكىمىنىڭ العىس حاتىمەن ماراپاتتالدى.
جاستىقتىڭ جالىندى كۇشى المايتىن قامال جوق دەسەك ونىڭ كوزىن اشۋعا ءبىز دە بارلىق مۇمكىندىك بار ەكەنىن ماقتانىشپەن ايتۋعا بولادى.
نۇرجامال شوحانوۆا, تەكەلى قالاسى ىشكى ساياسات, مادەنيەت جانە تىلدەردى دامىتۋ ءبولىمىنىڭ باستىعى.