ۇزىندىعى 32 شاقىرىم كوشە قازاقتىڭ تەكتى ازاماتىنىڭ اتىمەن اتالادى

قالانىڭ قاقپاسىنان باستالىپ, تاۋ باۋىرلاي سوزىلىپ جاتقان كو­شە الەمدەگى ەڭ ۇزىن كوشە رەتىندە تانىمال. جانە 2005 جىلدان ۇز­ىن­دىعى 32 شاقىرىمنان اساتىن كو­شە­گە قازاقتىڭ تەكتى پەرزەنتى, بەلگىلى مەملەكەت جانە قوعام قاي­رات­كەرى دىنمۇحاممەد احمەت ۇلى قو­نا­ەۆتىڭ اتىنداعى كوشە بولىپ وز­گەرتىلگەنىن شاھارلىقتار ماقتا­نىش­­پەن ايتادى. تەكەلىنىڭ ماقتانىشى بۇل داڭ­عىلدىڭ داڭقى تاۋەلسىز مەملەكەتتەر دوستاستىعى جانە باسقا الىس-جاقىن شەتەلگە تانىس. قالانىڭ جۇ­لىن ومىرتقاسىنداي بولعان كو­شە­دە تىرشىلىكتىڭ تامىرى سولقىل­داي سو­عادى. مۇندا قالانىڭ باستى مەكەمە, كاسىپورىندارى دوستىق, الا­تاۋ, مەتاللۋرگ جانە گورنياتسكي شاعىن اۋداندارىنان قۇرالسا, تەكەلىنىڭ ءوزى وسى كوشەنىڭ بويىندا. ۇزىن كوشە «Green House – جاسىل ءۇي» جىلىجاي كەشەنىنەن باستالسا, ودان ءارى «سۋففلە قا­زاقستان اشىتقى زاۋىتى», «الاتاۋ مرامور» سەرىكتەستىكتەرى, ىشكى ىستەر ءبولىمى, «گەليوس» جانارماي كەشەنى, اشىق باسسەين, كىرپىش زاۋىتى, كەندى قايتا وڭدەۋ كەشەنى, تاعىسىن تاعى ەكونوميكاسى ورلەگەن نىسان­دار قاتارىمەن جالعاسا بەرەدى. شاھاردى اباتتاندىرىپ, جا­رىق­پەن, گازبەن, جىلۋمەن قامتاما­سىز ەتەتىن كاسىپورىندار دا وسى كوشەدە. قورا, شاجا, تەكەلى وزەن­دەرىنىڭ قاراتالعا قۇيار تۇسىنداعى كەرەمەت كورىنىس سۇلۋلىعى تىم اسەر­لى. جاۋقازىن گۇل, شىرشا مەن اققايىڭ ونىڭ كوركىنە كورىك قوس­قان. ال كوشەنىڭ تاۋعا كىرىگىپ كەتكەن تۇسىندا جاس تۋريستەر قۇزعا ور­مەلەۋ جاتتىعۋلارىن وتكىزىپ, جاس­تىقتىڭ جالاۋىن الاۋلاتادى. نەبىر تابيعاتقا ساياحات, جاس ەكو­لوگتار شەرۋى ادام مەن تابيعاتتىڭ تەپە-تەڭ­دىگىن ساقتاۋداعى جىلى جۇزدەسۋلەر­مەن وتەتىنىن دە كورىپ ءجۇرمىز. «اۋىلىنا قاراپ, ازاماتىن تا­نى» دەگەن عوي. د.قوناەۆ كوشەسىنىڭ بايىرعى تۇرعىنى حامزا ءجۇسىپوۆ كوپتى كورگەن جان. ول اڭگىمەسىندە حالقىمىزدىڭ ءبىرتۋار ازاماتىنىڭ ەسىمىمەن اتالاتىن كوشەدە تۇرعا­نىم مەن ءۇشىن ۇلكەن ماقتانىش. ول قالا تاريحىمەن ساباقتاس بول­عاندىقتان جىل وتكەن سايىن قۇ­لاشىن كەڭگە جايىپ, قۇلپىرىپ كەلەدى. سوندىق­تاندا بارشامىز ونىڭ كوركەيۋىنە, ساۋ­لەتىنە مۇمكىندىگىن­شە ۇلەس قو­سىپ كەلەمىز. تاۋەلسىز ەلدىڭ داڭقىن اسىراتىن ءاربىر قۇندىلىقتىڭ قا­دىر-قاسيەتىن كەلەر ۇرپاققا ۇعىن­دىرۋ ءبىزدىڭ مىندەتىمىز, دەپ ەڭ ۇز­ىن كوشە تەكەلىلىك­تەردىڭ عانا ەمەس, قا­زاق ەلىنىڭ قۇندى, بەتكە ۇستار باي­لىعى ەكەندىگىن ايتادى. ەلدى مەكەندى قاق جارعان كوشە دوستىقتىڭ دانەكەرىندەي كوپ ۇلت­تىڭ ىنتىماعى مەن بىرلىگىنە ارقاۋ بولىپ, كەڭ كوسىلىپ جاتىر. كۇن ساي­ىن ارى-بەرى اعىلعان جۇرتشىلىق الەمدەگى ەڭ ۇزىن كوشەمەن ءجۇرىپ وتەتىندىكتەرىن بىلە بەرمەيتىنى دە بولار. قاراپ تۇرىپ, قىزىعاسىڭ. ال, وسى كەڭ كوسىلگەن داڭعىلعا حال­قى­مىزدىڭ اسقان سۇيىسپەنشىلىگىنە بو­­لەنگەن مەملەكەت قايراتكەرىنىڭ ەسى­مى بەرىلۋى تەگىن ەمەس-اۋ دەگەن وي كەلدى. كۇمىسجان بايجان.