ونەركاسىپ: دەرەك پەن دايەك

وبلىستىق ستاتيستيكا دەپار­تا­مەنتىنىڭ دەرەكتەرى بويىنشا بيىل ونەركاسىپ ءوندىرىسى كولەمىنىڭ ءوسىمى – 6,5, بولشەك تاۋار اينا­لى­مى – 10,3, نەگىزگى كاپيتالعا سا­لىن­عان ينۆەستيتسيا – 34,3 پاي­ىز­دى قۇراعان. جالپى الاڭى 7857 شارشى مەتر تۇرعىن ءۇي بوي كوتەرگەن. شاعىن, قوسالقى كاسىپ­ورىنداردى, ءۇي شارۋاشىلىعى سەك­تورىن قوسا ەسەپتەگەندە ونەر­كاسىپ سالاسى بويىنشا 32 ميلليارد تەڭگەنىڭ ونىمدەرى شىعا­رىل­عان. بۇل – وتكەن جىلعا قاراعاندا 6,5 پايىزعا كوپ. ونەركاسىپ ءوندىرىسى قۇرىلى­مى­نىڭ 69,5 پايىزى وڭدەۋ كاسىپ­ورنىنا تيەسىلى. بۇل سالاداعى ون­دىرىلگەن ءونىم كولەمى 22,2 ميلليارد تەڭگە. ماشينە جاساۋ سالا­سىن­دا دا ىلگەرىلەۋشىلىك بايقا­لا­دى. بۇگىنگە دەيىن ناقتى كولەم يندەكسى 141 پايىزدى قۇراپ, جۇك ۆا­گون­دارىنىڭ ءوندىرىسى 4,9 پايىزعا وسكەن. ال اۋىل شارۋاشى­لى­عى­نىڭ جالپى ءونىم كولەمى 17,7 ميلليارد تەڭگە بولعان. وسى مەرزىم ىشىندە نەگىزگى كاپيتالعا 6,7 ميلليارد تەڭگە ينۆەستيتسيا قۇيىلعان.

ءومىر ەسقالي, سولتۇستىك قازاقستان وبلىسى.  

3 203 بۇل – ماڭعىستاۋ وبلىسى بويىنشا 2011 جىلى اشىلاتىن جاڭا جۇمىس ورىندارىنىڭ سانى. قازاقستان رەسپۋبليكاسىندا­عى ۇدەمەلى يندۋستريالىق-يننو­ۆا­تسيالىق دامۋ مەملەكەتتىك باع­دار­لاماسى اياسىندا وتكەن جىلى وبلىستا جاڭادان 1 193 جۇمىس ورنى اشىلىپ, سەرپىندى توعىز جوبا جۇزەگە اسىرىلعان-دى. بيىلعى مەرەكەلى جىلى ول جوبالار قاتا­رى ءوسىپ, 12-گە جەتكەلى وتىر. ولار­دىڭ جالپى سمەتالىق قۇنى 82,2 ملرد. تەڭگەنى قۇرايدى. قار­جى­نى يگەرۋگە اتسالىساتىن ازاماتتار ءۇشىن جاڭادان اشىلاتىن جۇمىس ورىندارى سانى 3 203-كە جەتەدى. تاعى ءبىر اتاپ ايتارلىعى – سەرپىندى جوبالار ايماعىمىزعا عانا ەمەس, ەلىمىز ءۇشىن ەرەكشە ماڭىزعا يە. جاقىندا وڭىرلىك ۇيلەستىرۋ كەڭەسىندە اتالمىش جوبالار تاعى دا ءبىر پىسىقتالىپ, ولاردىڭ جۇزەگە اسۋ بارىسى ءجىتى نازاردا بولاتىندىعى ايتىلدى.

جولامان بوشالاق, اقتاۋ.    

3 000 وبلىستىق ءبىلىم بەرۋ باسقارماسىنىڭ مالىمەتىنشە, بيىل وڭىردە وسىنشاما ءبۇلدىرشىن بالاباقشا تابالدىرىعىن اتتايدى.  بۇل  ەلباسىنىڭ تاپسىرماسى بويىنشا قابىلدانعان مەملەكەتتىك «بالاپان» باعدارلاماسىنا ساي قولعا الىنۋدا. بۇل ءىس كەنشىلەر قالاسى ەكىباستۇزدا دا جاقسى باستامامەن  جۇرگىزىلۋدە. بۇگىنگى كۇنى ۇيدە  كەزەگىن كۇتىپ وتىرعان كوپتە­گەن بۇلدىرشىندەر جاڭادان اشىل­عان بالاباقشالاردان ورىن الۋدا. ءسويتىپ, ەل تاۋەلسىزدىگىنىڭ 20 جىلدىعى مەرەكەسى قارساڭىندا وبلىستا جاڭا 19  بالاباقشا جانە مەكتەپتەر جانىنان 26 شاعىن ور­تا­لىق اشىلاتىن بولادى. ەلىمىزدە ومىرگە كەلگەن «بالاپان» باع­دار­لاماسىنىڭ شاپاعاتى كەنشىلەر قالاسىنا دا جەتتى. قالالىق وقۋ ءبولىمىنىڭ حابارىنشا, بۇگىنگى كۇنى كەنشىلەر قالاسىنىڭ 88,8 پاي­ىزعا جۋىق ءبۇلدىرشىن بالا­باق­شاعا بارادى.  بۇل كۇندەرى جەكە مەنشىك با­لا­باقشا اشۋ, بۇرىنعى عيمارات­تار­دى قايتارىپ الۋ ماسەلەلەرى  قاراستىرىلۋدا. جالپى, كەنشىلەر قالاسىندا 1 601 بالا كەزەكتە تۇر. سوندىقتان بيىل قالالىق اكىمدىك 330 ورىندىق تاعى ءبىر جاڭا بالاباقشا مەن №35 مەكتەپتىڭ جانىنان شاعىن ورتالىق اشۋدى جوسپارلاعان.

فاريدا بىقاي, ەكىباستۇز.