ۇلتتىق بانك ساراپشىلارى بانك سەكتورىنا جۇرگىزىلگەن مونيتورينگ نەگىزىندە نەسيەلەۋ سالاسىندا شەتەلدىكتەردىڭ قاتىسۋىمەن جۇمىس ىستەيتىن بانكتەر تاراپىنان باسەكەلەستىكتىڭ كۇشەيگەندىگى تۋرالى قورىتىندىعا كەلدى. ارينە, بۇل – قازاقستان ءۇشىن وڭ ءۇردىس. ويتكەنى, بەلگىلى سەبەپتەرگە بايلانىستى ەكونوميكانىڭ ناقتى جانە تۇتىنۋ سەكتورىنداعى نەسيەلەۋ كولەمى داعدارىستان بەرى ءبۇتىندەي العاندا ءوسۋ دەڭگەيىن كورسەتە الماي كەلە جاتقان بولاتىن. تەك ۇستىمىزدەگى جىلدىڭ باسىنان باستاپ قانا وڭعا بەيىمدەلگەن ازداعان قوزعالىس كورىنىس بەردى. ول بار بولعانى 0,9 پايىزدى قۇرادى.
وزدەرىنىڭ نەسيەلىك قىزمەتتەرىندە بەلسەندىلىك كورسەتكەن ازداعان بانكتەردىڭ قاتارىندا UniCredit حالىقارالىق بانكتىك توبىنا كىرەتىن اتفبانك بار. ءوزىنىڭ نەگىزگى باعدارلامالارىمەن قاتار مامىر ايىنان باستاپ اتفبانك رىنوكقا ماقساتتى نەسيەلەردىڭ جاڭادان ەكى ءتۇرىن ۇسىندى. قازىرگى ەكونوميكالىق قاجەتتىلىككە تولىعىنان جاۋاپ بەرە الاتىن بۇل ونىمدەردىڭ ءبىرىنشىسى ءبىلىم بەرۋ باعدارلامالارىن نەسيەلەندىرۋگە ارنالعان. ەكىنشىسى, تەحنولوگيالاردى دامىتۋ, ءوندىرىستى جاڭعىرتۋ جانە قىزمەتكەرلەر سانىن ارتتىرۋ ءۇشىن جەڭىلدىك شارتتارى بويىنشا شاعىن جانە ورتا بيزنەس سۋبەكتىلەرىنە بەرىلەدى.
– ورتالىق جانە شىعىس ەۋروپا بانك سەكتورىنىڭ كوشباسشى قارجى توپتارىنىڭ ءبىرى بولا وتىرىپ, ءبىز رىنوكقا نەسيەلەۋدىڭ الەمدىك وزىق تاجىريبەسىندە قالىپتاسقان, بىراق سوعان قاراماستان ءوزىمىز جۇمىس ىستەپ وتىرعان ەلدىڭ ماقساتتارى مەن مىندەتتەردىڭ جاۋاپ بەرە الاتىن نەسيەلىك ونىمدەر ءتۇرىن ۇسىنامىز. سوندىقتان ءبىزدىڭ بانكتىڭ قىزمەتىن وسىلايشا كەڭەيتۋ ماقساتى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ەل حالقىنا جولداعان جولداۋىنداعى جاڭا مىندەتتەرمەن تولىق سايكەس كەلەدى دەپ ايتا الامىز. ماسەلەن, مەملەكەت باسشىسىنىڭ جولداۋىنداعى ماڭىزدى مىندەتتەردىڭ ءبىرى ءبىلىم بەرۋ سالاسىن ودان ءارى دامىتۋ بولىپ تابىلعاندىعى بەلگىلى. پرەزيدەنتتىڭ اتاپ كورسەتكەنىندەي, ءاربىر جاس قازاقستاندىقتىڭ الداعى ۇلكەن ماقساتىنا اينالۋى ءتيىس باسىمدىقتاردىڭ ءبىرى «ءبىلىم ارقىلى ءوزىن-ءوزى ءومىر بويى جەتىلدىرۋ», ال وسى ماقساتتا بەرىلەتىن ساپالى ءبىلىم قازاقستاننىڭ يندۋستريالىق جانە يننوۆاتسيالىق دامۋىنىڭ نەگىزىنە اينالۋعا ءتيىس. مىنە, سوندىقتان دا ءبىلىمنىڭ ساپاسى مەن قولجەتىمدىلىگىن قامتاماسىز ەتۋ ءۇشىن ناق وسى سالانى قارجىلىق ەكونوميكالىق قولداۋدىڭ جاڭا تۇرلەرىنىڭ قاجەت بولاتىندىعى تۇسىنىكتى. جولداۋدا ۇكىمەتكە تەحنيكالىق جانە جوعارى ءبىلىم دەڭگەيلەرى ءۇشىن جيناقتاۋ جۇيەسىن ازىرلەۋ, مەملەكەتتىڭ وسى ماقساتتا بەرەتىن پايىزدىق بونۋستارىنا يە بولۋ ءۇشىن بالالارىن وقىتۋعا قاراجات جيناقتاۋدىڭ مۇمكىندىكتەرىن قالىپتاستىرۋ جونىندە تاپسىرمالار بەرىلدى. ءتىپتى, بيزنەس-قاۋىمداستىقتار مەن جۇمىس بەرۋشىلەر وكىلدەرىنىڭ قاتىسۋىمەن كاسىپتىك-تەحنيكالىق كادرلار جونىندە ۇلتتىق كەڭەس قۇرۋ تۋرالى دا ايتىلدى. مەملەكەت باسشىسىنىڭ جولداۋىنداعى وسى تاپسىرمالاردى ءجۇزەگە اسىرۋعا كىرىسكەن ەل ۇكىمەتى جاس مامانداردى وقىتۋ, جۇمىسشىلاردىڭ بىلىكتىلىك دەڭگەيلەرىن ارتتىرۋ ماقساتىندا كوممەرتسيالىق جانە قارجى ۇيىمدارى ءۇشىن دە ولاردىڭ قىزمەت مۇمكىندىكتەرىنە ساي كەلەتىن جاڭا باعىتتاردى بەلگىلەدى. بۇل باعىت اسىرەسە, ەكونوميكانىڭ شيكىزاتتىق ەمەس سەكتورلارىندا جۇمىس ىستەيتىن شاعىن جانە ورتا بيزنەستى قولداۋ ماقساتىنا ورايلاستىرىلىپ وتىر. سوندىقتان ءبىزدىڭ بانكتە ەل باسشىلىعى بەلگىلەپ, بۇكىل حالىق بولىپ جۇمىلا جۇمىس ىستەپ جاتقان وسىناۋ ۇلكەن ۇدەرىسكە ءوز ۇلەسىن قوسۋدى جوسپارلاپ, جوعارىداعىداي نەسيەلەندىرۋدىڭ الەۋمەتتىك دامۋعا نەگىزدەلگەن جاڭا باعدارلامالارىن ازىرلەپ, ىسكە قوستى, – دەدى بىزبەن اڭگىمەسىندە «اتفبانك» اق باسقارما توراعاسى رومەو كوللينا.
بىزگە اتفبانك ماماندارىنىڭ تۇسىندىرگەنىندەي ءبىلىم بەرۋ باعدارلاماسى بويىنشا نەسيە 2011 جىلعى 3 مامىردان باستاپ 1 قازانعا دەيىن ارەكەت ەتەدى. ونى ابيتۋريەنتتەر, ولاردىڭ اتا-انالارى مەن تۋعان-تۋىسقاندارى الا الادى. ءبىزدىڭ ويىمىزشا, مەكتەپتەگى وقۋ جىلى اياقتالىپ, ولاردىڭ تۇلەكتەرىنە ابيتۋريەنتتىك كەزەڭ باستالاتىن وسى ساتتە بۇل نەسيەلىك باعدارلاما دەر كەزىندە ىسكە قوسىلىپ وتىر. بۇل نەسيەنى الۋ ءۇشىن اتالعان بانكتىڭ قازاقستاننىڭ كەز كەلگەن وڭىرىندە ورنالاسقان 105 بولىمشەنىڭ بىرىنە حابارلاسۋ كەرەك. تاپسىرىس ماقۇلدانعاننان كەيىن ءتيىستى قارجى نەسيە الۋشىنىڭ شوتىنا اۋدارىلادى. ونى كليەنت اقشاعا اينالدىرا وتىرىپ, ءوزى قالاعان وقۋ ورنىنا تولىقتاي نەمەسە وقۋ ورنىمەن كەلىسىمگە سايكەس ترانشتارعا بولە وتىرىپ, تولەي الادى.
اتفبانكتە اتاپ كورسەتىلگەنىندەي, نەسيەنىڭ كولەمى وقۋ كۋرسىنا تولەنەتىن قارجىمەن تىكەلەي بايلانىستى بولادى. ونىڭ ەڭ جوعارعى دەڭگەيى 1 ميلليون تەڭگەنى قۇرايدى. قارىز نەسيەنى رەسىمدەگەنى ءۇشىن كەپىلسىز جانە كوميسسياسىز بەرىلەدى. نەسيە جىلدىعى 15% ءمولشەرلەمە (جىلدىق ءتيىمدى سىياقى مولشەرلەمەسى جىلدىق 16% باستالادى) بويىنشا 24 ايعا دەيىنگى مەرزىمگە بەرىلەدى. جاڭا الەۋمەتتىك بۇل ءونىم وقۋشىلار مەن تالانتتى جاستاردى قولداۋعا باعىتتالعان بانكتىڭ وزىندىك الەۋمەتتىك ساياساتىمەن دە تولىق سايكەس كەلەدى. اتفبانك 2008 جىلى ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىنىڭ 6 ۇزدىك ستۋدەنتىنە اي سايىن بەرىلەتىن شاكىرتاقى تاعايىندادى. 2010 جىلى اتف بانك باسقارماسى وسى وقۋ ورنىنىڭ تاعى دا 4 ۇزدىك ستۋدەنتىنە دەمەۋشىلىك كومەك جاساۋ تۋرالى شەشىم قابىلداپ, ارقايسىسىنا 200 مىڭ تەڭگە كولەمىندە 4 اتاۋلى شاكىرتاقى بەلگىلەدى. بۇل رەتتە قويىلاتىن جالعىز تالاپ, وعان يە بولعان ستۋدەنتتەردىڭ ءوزدەرىنىڭ ديپلوم الدىنداعى پراكتيكالارىن بانكتە وتكىزۋى بولاتىن. جالپى, اتالعان وقۋ ورنىنىڭ ستۋدەنتتەرىنە بانك ىنتىماقتاستىق تۋرالى مەموراندۋمعا قول قويىلعان 2005 جىلدان باستاپ, دەمەۋشىلىك كومەك كورسەتىپ كەلەدى. وسى ساتتەن باستاپ قازەۋ ستۋدەنتتەرى ءوز پراكتيكالارىن اتفبانكتە ءوتكىزۋدى داستۇرگە اينالدىردى.
اتفبانك ۇسىنىپ وتىرعان ەكىنشى جاڭا نەسيەلىك ءونىم شاعىن جانە ورتا بيزنەس سەكتورىنداعى جەكە كاسىپكەرلەر مەن زاڭدى تۇلعالاردى بارىنشا قىزىقتىرۋى ءمۇمكىن. وسى باعدارلاما بويىنشا نەسيەلەندىرۋ مولشەرى ايتارلىقتاي جوعارى: جىلدىق 11% باستالاتىن تىركەلگەن جانە قۇبىلمالى سىياقى مولشەرلەمەسى بويىنشا 150 ميلليون تەڭگەگە نەمەسە 1 ميلليون اقش دوللارىنا دەيىن جەتۋى ءمۇمكىن. بۇل كليەنتتەر ءۇشىن وتە ىڭعايلى جانە رىنوك ءۇشىن باسەكەلەستىككە ساي. نەسيە 36 ايعا دەيىنگى مەرزىمگە بەرىلەدى. نەسيەنى قامتاماسىز ەتۋ كەپىلدىگى – ستاندارتتى. وسى نەسيەنى الۋعا كەلىسىم جاسالىپ, ونى بانكتىڭ نەسيە كوميتەتى ماقۇلداعاننان كەيىن نەسيە الۋشىنىڭ اعىمداعى شوتىنا اۋدارىلادى. ماقساتتى تاۋاردىڭ, قىزمەتتىڭ نەمەسە مىندەتتىڭ تولەمى قولما-قول اقشا كۇيىندە دە نەمەسە قولما-قول اقشاسىز تۇردە دە تولەنەدى.
– ءبىزدىڭ بۇل نەسيەلىك ءونىم دە مەملەكەت باسشىسىنىڭ جولداۋىنداعى تالاپتارعا سايكەس كەلەدى, ول بيزنەس-بىرلەستىكتەردى ەلدەگى قارقىندى يندۋسترياليزاتسيالاۋ ءۇردىسىنە ءاربىر قازاقستاندىقتىڭ قاتىسۋ مۇمكىندىگىن قامتاماسىز ەتۋگە شاقىردى. ءبىز قارجى ينستيتۋتى رەتىندە رەسۋرستار ارقىلى جەكە بيزنەستىڭ دامۋىنا, وركەندەۋىنە قولداۋ كورسەتە الاتىندىعىمىزدى ءتۇسىنەمىز. الەۋمەتتىك جاۋاپتى كومپانيا رەتىندە ەلدەگى ەكونوميكانىڭ تۇراقتى دامۋىنا الەۋمەتتىك باعىتتاعى ارنايى بانك ونىمدەرىن بەلسەندى ءتۇردە دايىنداي وتىرىپ ايتارلىقتاي ۇلەس قوسا الاتىنىمىزعا سەنەمىز. ءبىلىم دەڭگەيىن كوتەرۋ نەمەسە بيزنەسىن كەڭەيتە وتىرىپ ءوركەندەۋدى قالايتىن ادامدارعا بانك مۇمكىندىك بەرە وتىرىپ, كليەنتتەرىنىڭ ءوز ماقساتتارىنا جەتۋلەرىنە عانا كومەكتەسىپ قويماي, سونىمەن قاتار, ەلدىڭ ەكونوميكالىق الەۋەتىنىڭ ارتۋىنا دا ۇلەس قوساتىنىنا سەنەدى. ءبىز ءوزىنىڭ بولاشاعى جانە ەلىنىڭ بولاشاعى يننوۆاتسياعا, ءبىلىم بەرۋگە سالىناتىن سالىمدارعا بايلانىستى ەكەندىگىنە ارقاشان نىق سەنەتىن كومپانيالار قاتارىنان كورىنگىمىز كەلەدى,– دەيدى بىزبەن ءاڭگىمەسىندە رومەو كوللينا مىرزا.
جاڭا نەسيەلىك باعدارلامالار تۋرالى نەعۇرلىم ناقتى جانە كولەمدى اقپاراتتاردى اتفبانكتىڭ كەز كەلگەن بولىمشەلەرى مەن فيليالدارىنان الۋعا بولادى.
دينارا يۋسۋپوۆا. الماتى.