2011 جىلعى 8 اقپان № 87 استانا, ۇكىمەت ءۇيى
قازاقستان رەسپۋبليكاسىنىڭ پايدالى قازبالار قورى جونىندەگى مەملەكەتتىك كوميسسياسى جانە پايدالى قازبالار قورى جونىندەگى وڭىرارالىق كوميسسيالار تۋرالى ەرەجەنى بەكىتۋ تۋرالى
«جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنىڭ 16-بابىنىڭ 12) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسىنىڭ پايدالى قازبالار قورى جونىندەگى مەملەكەتتىك كوميسسياسى جانە پايدالى قازبالار قورى جونىندەگى وڭىرارالىق كوميسسيالار تۋرالى ەرەجە بەكىتىلسىن.
2. مىنالاردىڭ كۇشى جويىلدى دەپ تانىلسىن:
1) «قازاقستان رەسپۋبليكاسىنىڭ جەر قويناۋىن مەملەكەتتىك ساراپتاۋ تۋرالى ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1996 جىلعى 18 قازانداعى № 1288 قاۋلىسى (قازاقستان رەسپۋبليكاسىنىڭ ءپۇاج-ى, 1996 ج., № 43, 411-قۇجات);
2) «قازاقستان رەسپۋبليكاسى ۇكىمەتىنىڭ 1996 جىلعى 18 قازانداعى № 1288 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2005 جىلعى 29 قىركۇيەكتەگى № 968 قاۋلىسى (قازاقستان رەسپۋبليكاسىنىڭ ءپۇاج-ى, 2005 ج., № 36, 501-قۇجات).
3. وسى قاۋلى العاشقى رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 8 اقپانداعى №87 قاۋلىسىمەن بەكىتىلگەن
قازاقستان رەسپۋبليكاسىنىڭ پايدالى قازبالار قورى جونىندەگى مەملەكەتتىك كوميسسياسى جانە پايدالى قازبالار قورى جونىندەگى وڭىرارالىق كوميسسيالار تۋرالى ەرەجە
1. جالپى ەرەجەلەر
1. قازاقستان رەسپۋبليكاسىنىڭ پايدالى قازبالار قورى جونiندەگi مەملەكەتتiك كوميسسياسى (بۇدان ءارى – قر قمك) جانە پايدالى قازبالار قورى جونىندەگى وڭىرارالىق كوميسسيالار (بۇدان ءارى – قوك) جەر قويناۋىن مەملەكەتتىك ساراپتاۋدى (بۇدان ءارى – ساراپتاما) جۇزەگە اسىرادى.
2. قر قمك مەن قوك قىزمەتىن ۇيىمداستىرۋ, ولاردىڭ قۇرامى, جۇمىس رەگلامەنتى جانە ءىس جۇرگىزۋ وسى ەرەجەمەن بەلگىلەنەدى.
3. قر قمك جەر قويناۋىن زەردەلەۋ مەن پايدالانۋ جونىندەگى ۋاكىلەتتى ورگاننىڭ جانىنان قۇرىلادى جانە جۇمىس ىستەيدى, قوك قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگى گەولوگيا جانە جەر قويناۋىن پايدالانۋ كوميتەتىنىڭ وڭىرارالىق گەولوگيا ءجانە جەر قويناۋىن پايدالانۋ دەپارتامەنتتەرىنىڭ (بۇدان ءارى – وڭىرارالىق دەپارتامەنتتەر) جانىنان قۇرىلادى جانە جۇمىس ىستەيدى.
4. كەڭ تارالعان پايدالى قازبالاردى قوسپاعاندا, قر قمك-ءنىڭ قۇزىرەتىنە پايدالى قازبالاردىڭ بارلىق تۇرلەرى بويىنشا ساراپتاما جاتادى. قوك-ءنىڭ قۇزىرەتىنە كەڭ تارالعان پايدالى قازبالاردىڭ تۇرلەرى بويىنشا ساراپتاما سونداي-اق قر قمك-ءنىڭ ساراپتاماسىنا كەلىپ تۇسەتىن ماتەريالداردى الدىن الا قاراۋ جاتادى. مۇناي قورلارى مەن مۇناي الۋ دەڭگەيىن قوسپاعاندا, قر قمك-ءنىڭ جەكە تاپسىرمالارىنا ءسايكەس كوميسسيانىڭ اۋماقتىق جاۋاپكەرشىلىگى شەگىندە ناقتى كەن ورىندارى بويىنشا پايدالى قازبالاردىڭ باسقا تۇرلەرىنە قوك-نىڭ ساراپتاماسىنا رۇقسات بەرىلەدى.
2. قر قمك جانە قوك-ءنىڭ مىندەتتەرى مەن فۋنكتسيالارى
5. نەگىزگى مىندەتكە سايكەس قر قمك جانە قوك ساراپتاما بارىسىندا:
پايدالى قازبالار قورلارىنىڭ سانى, ساپاسى, قۇرامى, تەحنولوگيالىق جانە وزگە دە قاسيەتتەرى, سونداي-اق جەر قويناۋىنىڭ وزگە دە ەرەكشەلىكتەرى تۋرالى دەرەكتەردىڭ دۇرىستىعىن;
پايدالى قازبالاردى ءوندىرۋ جانە وندىرۋگە بايلانىستى ەمەس ماقساتتا جەر قويناۋى ۋچاسكەلەرىن پايدالانۋ شارتتارى ءۇشىن گەولوگيالىق, كەن-تەحنيكالىق, گيدروگەولوگيالىق, ينجەنەرلىك-گەولوگيالىق, تەحنيكالىق-ەكونوميكالىق ءجانە ءوزگە دە دەرەكتەردىڭ تولىقتىعى مەن دۇرىستىعىن;
كەن ورىندارىن ازىرلەۋدىڭ ەكونوميكالىق تيىمدىلىگىنىڭ تەحنيكالىق-ەكونوميكالىق نەگىزدەمەسىن, كومىرسۋتەك شيكىزاتىن الۋ كوەففيتسيەنتتەرىن, مينەرالدىق-شيكىزاتتىق بازانى كەڭەيتۋ جونىندەگى قورىتىندىلار مەن ۇسىنىستاردى پايدالانۋعا ارنالعان قورلار مەن جەر قويناۋى ۋچاسكەلەرىنىڭ دايىندىعى دارەجەسىن;
ىزدەۋ, بارلاۋ, تاجىريبەلىك-پايدالانۋ جانە جەر قويناۋىن گەولوگيالىق زەردەلەۋ مەن باعالاۋ جونىندەگى وزگە دە جۇمىستاردىڭ ناتيجەلەرى مەن ساپاسىن;
پايدالى قازبالاردىڭ كەن ورىندارىن جويۋ نەمەسە كونسەرۆاتسيالاۋدىڭ پايدالى قازبالاردى ەسەپتەن شىعارۋدىڭ نەمەسە قالعان قورلاردىڭ تەڭگەرىمدىلىك تيەسىلىلىگىنىڭ وزگەرتۋ نەگىزدىلىگىن ايقىندايدى.
6. قر قمك جانە قوك ءوز قىزمەتىندە جۇرگىزۋدەگى ساراپتامانىڭ شەگىندە مىناداي فۋنكتسيالاردى جۇزەگە اسىرادى:
مەملەكەتتiك تەڭگەرىمگە قويۋعا نەگiز بولىپ تابىلاتىن بارلانعان پايدالى قازبالاردىڭ قورىن يگەرۋدiڭ رەنتابەلدiلiگi تۋرالى قورىتىندى بەرەدى;
پايدالى قازبالار قورىنىڭ مولشەرi مەن ساپاسىن, ولاردىڭ رەسپۋبليكا ەكونوميكاسى ءۇشiن ماڭىزىن, ءوندiرۋدiڭ تاۋ-كەن تەحنيكالىق, گيدروگەولوگيالىق, ەكولوگيالىق جانە باسقا دا جاعدايلارىنا وبەكتيۆتi باعا بەرەدى;
كەلىسىم-شارتتىق اۋماقتاعى بارلاۋ ءناتيجەسىندە كوممەرتسيالىق تابۋ فاكتىسىن راستايدى.
7. قر قمك جانە قوك ساراپتاما, ونىڭ ىشىندە الدىن الا ساراپتاما جۇرگىزۋ بارىسىندا:
ورتالىق مەملەكەتتىك جانە جەرگىلىكتى اتقارۋشى ورگانداردان, گەولوگيا جەر قويناۋىن پايدالانۋ كوميتەتىنە ۆەدومستۆولىق باعىنىستاعى ۇيىمدار مەن مەكەمەلەردەن جانە جەر قويناۋىن پايلانۋشىلاردان وزدەرىنە جۇكتەلگەن مىندەتتەردى ورىنداۋ ءۇشىن قاجەتتى اقپاراتتاردى, قۇجاتتاردى جانە ماتەريالداردى سۇراتۋى جانە الۋى;
ساراپتاما جۇرگىزۋ كەزىندە ءوز قۇزىرەتىنىڭ شەگىندە تاۋەلسىز ساراپشىلار مەن ساراپشى توپتاردى تارتۋى;
قاجەتىنە قاراي ساراپتاما جۇرگىزىلەتىن وبەكتىلەردە كوشپەلى وتىرىستاردى وتكىزۋى;
جەر قويناۋىن پايدالانۋشى قۇزىرەتتى ورگان قولدانىستاعى كەلىسىم-شارتقا ءتيىستى وزگەرىستەر ەنگىزگەنگە دەيىن, كەلىسىم-شارتتىق تالاپتاردا كەلىسىلگەن جەر قويناۋىن پايدالانۋ وپەراتسيالارىن جۇرگىزۋ مەرزىمىن بۇزعان جاعدايدا ساراپتاماعا بەرىلگەن ماتەريالداردى كەرى قايتارۋى;
ءوز قۇزىرەتىنە كىرەتىن ماسەلەلەر جونىندە شەشىمدەر قابىلداۋى مۇمكىن.
3. قر قمك جانە قوك قىزمەتىن ۇيىمداستىرۋ
8. قر قمك جانە قوك-ءنىڭ وتىرىستارى قاجەتتىلىگى بويىنشا, بىراق ايىنا كەمىندە ءبىر رەت وتكىزىلەدى.
9. قر قمك جانە قوك-ءنىڭ وتىرىستارى جۇمىس جانە پلەنارلىق وتىرىستار بولىپ ءبولىنەدى. جۇمىس بابىندا قاراۋ ناتيجەسى قر قمك نەمەسە قوك شەشىمىنىڭ جوباسى بولىپ تابىلادى. قر قمك-ءنىڭ نەمەسە قوك-ءنىڭ پلەنارلىق وتىرىسىندا ساراپتالاتىن ماتەريالدار بويىنشا شەشىم قابىلدانادى.
10. قر قمك جانە قوك القالى ورگاندار بولىپ تابىلادى. شەشىم وتىرىسقا قاتىسىپ وتىرعان كوميسسيا مۇشەلەرىنىڭ باسىم داۋسىمەن قابىلدانادى. شەشىمدەردى قابىلداۋ كەزىندە داۋىستار تەڭ بولعاندا توراعالىق ەتۋشىنىڭ داۋسى شەشۋشى بولىپ تابىلادى.
11. يندۋستريا جانە جاڭا تەحنولوگيالار مينيسترلىگى گەولوگيا جانە جەر قويناۋىن پايدالانۋ كوميتەتىنىڭ جەر قويناۋىنىڭ ساراپتاماسى باسقارماسى قر قمك-ءنىڭ جۇمىس ورگانى بولىپ تابىلادى. قاراۋعا كەلىپ تۇسكەن ماتەريالداردىڭ سالالىق باعىتى بويىنشا ءتيىستى ءوڭىرارالىق دەپارتامەنتتەردىڭ ماماندارىنان قۇرىلاتىن جۇمىس توپتار قوك-ءنىڭ جۇمىس ورگاندارى بولىپ تابىلادى.
12. قر قمك جانە قوك وتىرىستارىنا كوميسسيانىڭ مۇشەلەرى بولىپ تابىلمايتىن لاۋازىمدى تۇلعالار شاقىرىلۋى مۇمكىن.
13. قر قمك-ءنىڭ توراعاسى ونىڭ قىزمەتىن باسقارادى, ادىستەمەلىك باسشىلىقتى جۇزەگە اسىرادى جانە قوك-ءنىڭ قىزمەتىنە جەتەكشىلىك ەتەدى. توراعاسى جوق بولعاندا ونىڭ مىندەتىن قر قمك توراعاسىنىڭ ورىنباسارى اتقارادى.
14. قوك توراعالارى ءتيىستى وڭىرارالىق كوميسسيانىڭ قىزمەتىن باسقارادى.
15. ورتالىق مەملەكەتتىك جانە جەرگىلىكتى اتقارۋشى ورگاندار قر قمك-گە جانە قوك-گە جۇكتەلگەن مىندەتتەردى ورىنداۋدا ولارعا كومەك كورسەتەدى.
16. قر قمك مەن قوك-ءنىڭ عىلىمي حاتشىلارى ساراپتاماعا ماتەريالداردىڭ قابىلداۋىن ۇيىمداستىرادى جانە ولاردى كوميسسيالاردىڭ پلەنارلىق وتىرىستارىنا دايىندايدى.
17. ساراپتامانىڭ ناتيجەلەرi پايدالى قازبا قورلارىن بەكiتۋ تۋرالى, قورلاردى ساناتتار بويىنشا ءبولۋ, تاجىريبەلىك-ونەركاسىپتىك ءوندىرۋدىڭ مەرزىمدەرى, كومىرسۋتەكتى شيكىزاتتاردى ەسەپتەن شىعارۋ, جەر قويناۋى تۋرالى اقپاراتتى ونەركاسiپتiك, عىلىمي جانە باسقا ماقساتتاردا قولدانۋ مۇمكiندiكتەرى, ۇسىنىستار, سونداي-اق قر قمك مەن قوك-نىڭ قۇزىرەتىنە جاتاتىن وزگە دە ماسەلەلەر بويىنشا شەشىمدەر كورىنىس تاباتىن حاتتامامەن رەسىمدەلەدى.
18. ساراپتامانىڭ ناتيجەلەرىن كورسەتەتىن حاتتاماعا وتىرىستاعى توراعالىق ەتۋشىنىڭ بۇرىشتاماسى جانە قمك نەمەسە قوك-ءنىڭ بارلىق قاتىسقان مۇشەلەرىنىڭ قولدارى قويىلادى.
4. قر قمك-ءنىڭ جانە قوك-ءنىڭ قۇرامى
19. قر قمك جانە قوك قۇرامى توراعادان, ونىڭ ورىنباسارلارىنان, عىلىمي حاتشىدان جانە كوميسسيالار مۇشەلەرىنەن قۇرىلادى.
20. قر قمك توراعاسى لاۋازىمى بويىنشا قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگى گەولوگيا جانە جەر قويناۋىن پايدالانۋ كوميتەتىنىڭ ورىنباسارى بولىپ تابىلادى. قر قمك توراعاسىنىڭ قر قمك توراعاسى جوق بولعان مەرزىمدە قر قمك-نىڭ قۇزىرەتى شەگىندە قۇجاتتارعا قول قويۋ قۇقىعىن يەلەنەتىن ورىنباسارى بار.
21. قر قمك توراعاسىنىڭ ورىنباسارى قر قمك جۇمىس ورگانىنىڭ باسشىسى بولىپ تابىلادى.
22. ءتيىستى وڭىرارالىق دەپارتامەنتتەردىڭ باسشىلارى قوك توراعاسى بولىپ تابىلادى. قوك توراعاسىنىڭ ورىنباسارلارى گەولوگيا ءماسەلەلەرى بويىنشا ءتيىستى وڭىرارالىق دەپارتامەنتتەردىڭ باسشىلارىنىڭ ورىنباسارلارى بولىپ تابىلادى.
23. كوميسسيا مۇشەلەرى جەر قويناۋىن زەرتتەۋ جانە پايدالانۋ جونىندەگى ۋاكىلەتتى ورگاننىڭ جانە ونىڭ اۋماقتىق بولىمشەلەرىنىڭ گەولوگيالىق ماماندىقتارى بار بىلىكتى قىزمەتكەرلەرى بولىپ تابىلادى.
قر قمك جانە قوك-ءنىڭ جەكە قۇرامى جەر قويناۋىن زەرتتەۋ جانە پايدالانۋ جونىندەگى ۋاكىلەتتى ورگاننىڭ بۇيرىعىمەن بەكىتىلەدى.
5. قر قمك مەن قوك-ءنىڭ جۇمىس رەگلامەنتى جانە ءىس قاعازدارىن جۇرگىزۋ
24. قر قمك مەن قوك-ءنىڭ كەزەكتى جىلعا ارنالعان جۇمىس جوسپارى جەر قويناۋىن پايداانۋشىلاردىڭ وتىنىشتەرى نەگىزىندە قالىپتاستىرىلادى.
25. جەر قويناۋىن پايدالانۋشىلار ساراپتاماعا ەسەپ ماتەريالدارىن ۇسىنۋ مەرزىمىن كورسەتۋمەن وتىنىمدەردى ءتيىستى وڭىرارالىق دەپارتامەنتكە جوسپارلاناتىن جىلدىڭ 20 قاڭتارىنا دەيىنگى مەرزىمدە جىبەرەدى.
26. وڭىرارالىق دەپارتامەنتتەر جوسپارلاناتىن جىلدىڭ 30 قاڭتارىنا دەيىنگى مەرزىمدە قر قمك اتىنا جەر قويناۋىن پايدالانۋشىلاردىڭ ءوتىنىشى بويىنشا جيىنتىق مالىمەتتەردى جىبەرەدى.
27. قر قمك جۇمىسىنىڭ جيىنتىق جوسپارىن قر قمك توراعاسى بەكىتەدى. قوك جيىنتىق جوسپارلارىن ولاردىڭ توراعالارى بەكىتەدى.
28. جوسپارلاناتىن جىلدىڭ 20 قاڭتارىنان كەيىنگى تۇسكەن جەر قويناۋىن پايدالانۋشىلاردىڭ وتىنىمدەرى قر قمك-دە جانە قوك-دە تىركەلەدى. اتالعان ماتەريالدارعا ساراپتاما مىنا تۇردە جۇرگىزىلەدى:
ءبىرىنشى كەزەكتە جيىنتىق جۇمىس جوسپارىنا سايكەس ماتەريالدار قاراستىرىلادى;
ەكىنشى كەزەكتە بەكىتىلگەن تارتىپپەن ءوتىنىم بەرىلگەن ماتەريالدار ۇسىنىلماعاندا, جوسپارلاناتىن جىلدىڭ 20 قاڭتارىنان كەيىن كەلىپ ءتۇسكەن وتىنىمدەر بويىنشا ماتەريالدار قاراستىرىلادى.
29. جەر قويناۋىن پايدالانۋ قۇقىعى بار جەكە نەمەسە زاڭدى تۇلعا گەولوگيالىق زەردەلەۋ جانە جەر قويناۋىن يگەرۋ بويىنشا ورىندالعان جۇمىستار تۋرالى ماتەريالداردى ساراپتاماعا ەسەپ تۇرىندە ۇسىنادى. ساراپتاماعا ۇسىنىلاتىن گەولوگيالىق اقپاراتقا قويىلاتىن تالاپتاردى پايدالى قازبالار قورلارىن باعالاۋدىڭ دالدىگى مەن تولىقتىعى, كەن ورىنداردىڭ زەردەلەنگەندىگى, گەولوگيالىق بارلاۋ جۇمىستارىنىڭ تيىمدىلىگى تۋرالى اقپاراتتاردى قوسا العاندا يندۋستريالىق ساياسات سالاسىنداعى ۋاكىلەتتى ورگان بەلگىلەيدى.
30. جەر قويناۋىن پايدالانۋشى ماتەريالداردى - كەمىندە ەكى دانادا, ەسەپكە قوسىمشا بەرىلگەن انىقتامالار مەن تاۋەلسىز ساراپشىلاردىڭ ساراپتاۋ قورىتىندىلارىن - كەمىندە ءتورت دانادا ساراپتاماعا جىبەرەدى. سونىمەن قاتار, جەر قويناۋىن پايدالانۋشى تاۋەلسىز ساراپشىلاردى قىزمەتكەرلەرمەن جانە ساراپتاما جۇرگىزۋ ۋاقىتىندا وعان تىكەلەي بايلانىستى (تالاپ ەتۋ بويىنشا) قوسىمشا ماتەريالدارمەن قامتاماسىز ەتەدى.
31. قر قمك-ءنىڭ قاراۋىنا تۇسەتىن ماتەريالدار الدىن الا ءتيىستى قوك-دە قارالادى جانە ونىڭ قورىتىندىسى قوسا جىبەرىلەدى.
32. ساراپتاماعا كەلىپ تۇسكەن ماتەريالداردى عىلىمي حاتشى قولدانىستاعى بەلگىلەنگەن زاڭنامالىق تالاپتارعا سايكەستىگى نىسانىنا باعالايدى.
33. ۇسىنعان ماتەريالدار بەلگىلەنگەن تالاپتارعا سايكەس بولعان كەزدە, ولاردى عىلىمي حاتشى تىركەيدى, ودان كەيىن ساراپتاماعا قابىلدانعان بولىپ سانالادى, بۇل تۋرالى جەر قويناۋىن پايدالانۋشىعا جازباشا تۇردە حابارلانادى.
34. قر قمك-ءنىڭ نەمەسە قوك-ءنىڭ مۇشەلەرىنە تىركەۋ بويىنشا ماتەريالداردىڭ كەلىپ ءتۇسۋى تۋرالى عىلىمي حاتشى مالىمدەيدى.
35. قر قمك-ءنىڭ نەمەسە قوك-ءنىڭ قاراۋىنا تۇسكەن جانە بەلگىلەنگەن تارتىپپەن تىركەلگەن ماتەريالدار كوميسسيا توراعاسىنىڭ ورىنباسارىنا بەرىلەدى, ول كەلىپ تۇسكەن ماتەريالداردىڭ سالالىق باعىتىنا قاراي كوميسسيا مۇشەلەرىنىڭ ىشىنەن ساراپتاما جۇرگىزۋگە جاۋاپتىلاردى انىقتايدى.
36. ساراپتاما تاۋەلسىز ساراپشىلار مەن ساراپشى توپتاردى تارتۋ ارقىلى ماتەريالدار تىركەلگەن كۇنىنەن باستاپ ءۇش اي مەرزىمدە ءجۇرگىزىلەدى. اسا كۇردەلى نە كولەمى ۇلكەن ماتەريالداردى قاراعان جاعدايدا ساراپتامانى جۇرگىزۋ مەرزىمى كوميسسيا توراعاسىنىڭ شەشىمى بويىنشا ۇزارتىلۋى مۇمكىن. تاۋەلسىز ساراپتامانى ءجۇرگىزۋ شىعىندارىن, ساراپشىلاردىڭ قىزمەتتىك ءمىندەتتەرىن ورىنداۋعا بايلانىستى ءىسساپار شىعىستارىن جەر قويناۋىن پايدالانۋشى وتەيدى.
37. ءتيىستى سالالاردىڭ بىلىكتى ماماندارى تاۋەلسىز ساراپشىلار بولىپ تابىلادى. تاۋەلسىز ساراپشىلاردىڭ جانە ساراپشى توپتاردىڭ ءتىزىمىن قر قمك توراعاسىنىڭ ۇسىنۋى بويىنشا جەر قويناۋىن زەرتتەۋ جانە پايدالانۋ ءجونىندەگى ۋاكىلەتتى ورگان بەكىتەدى.
38. تاۋەلسىز ساراپشىلاردىڭ ماتەريالداردى قاراۋ مەرزىمى ماتەريالداردى تىركەۋ كەزىنەن باستاپ ەكى ايعا دەيىنگى مەرزىمدى قۇراۋى مۇمكىن جانە كوميسسيا توراعاسىنىڭ شەشىمى بويىنشا اسا كۇردەلى نە مولشەرى كوپ ماتەريالداردى قاراعان جاعدايدا, ءتورت ايدان اسپايتىن مەرزىمگە ۇزارتىلۋى مۇمكىن.
39. قر قمك-ءنىڭ نەمەسە قوك-نىڭ ساراپتاماسىن جۇرگىزۋ كەزىندە تاۋەلسىز ساراپشىلاردىڭ كانديداتۋرالارىن, ساراپتامانىڭ تۇرلەرى مەن سانىن ۇسىنىلعان ماتەريالدار بويىنشا كوميسسيا ورىنباسارىنىڭ ۇسىنۋى بويىنشا توراعا بەكىتەدى.
40. تاۋەلسىز ساراپشىلاردىڭ قورىتىندىلارىن العاننان جانە كوميسسيانىڭ جاۋاپتى ءمۇشەلەرى ماتەريالداردى زەرتتەگەننەن كەيىن جەر قويناۋىن پايدالانۋشى وكىلدەرىنىڭ, ەسەپ اۆتورلارىنىڭ, تاۋەلسىز ساراپشىلاردىڭ جانە شاقىرىلعان مامانداردىڭ قاتىسۋىمەن قر قمك-ءنىڭ نەمەسە قوك-ءنىڭ جۇمىس وتىرىسى وتكىزىلەدى. قاجەت بولعان جاعدايدا قر قمك-ءنىڭ جۇمىس وتىرىسىنا ءتيىستى قوك-ءنىڭ مۇشەلەرى شاقىرىلادى.
41. قر قمك-ءنىڭ جۇمىس وتىرىستارى قر قمك توراعاسى ورىنباسارىنىڭ, ال ول جوق بولعاندا كوميسسيانىڭ ساراپتاما وتكىزۋگە جاۋاپتى مۇشەسىنىڭ توراعالىق ەتۋىمەن جۇرگىزىلەدى. قوك-ءنىڭ جۇمىس وتىرىستارىنا قوك توراعاسىنىڭ ورىنباسارى توراعالىق ەتەدى. جۇمىستى قاراۋ ناتيجەسى قر قمك نەمەسە قوك شەشىمنىڭ جوباسى بولىپ تابىلادى.
42. كوميسسيالاردىڭ پلەنارلىق وتىرىستارى قر قمك نەمەسە قوك توراعاسىنىڭ توراعالىق ەتۋىمەن وتكىزىلەدى. توراعا بولماعان جاعدايدا وتىرىستى ونىڭ ورىنباسارى جۇرگىزەدى.
43. پلەنارلىق وتىرىس وتكىزىلگەنگە دەيىن ءۇش كۇن بۇرىن عىلىمي حاتشى قر قمك-ءنىڭ نەمەسە قوك-ءنىڭ مۇشەلەرىنە قارالاتىن وبەكت بويىنشا ماتەريالداردىڭ نەگىزگى مازمۇنى قىسقاشا تۇردە كورسەتىلگەن اۆتورلىق انىقتامانى تانىسۋ ءۇشىن بەرەدى. قر قمك نەمەسە قوك مۇشەسىنىڭ تالابى بويىنشا وعان تاۋەلسىز ساراپشىلاردىڭ قورىتىندىلارى جانە وزگە ماتەريالدار ۇسىنىلادى.
44. ەگەر قر قمك-ءنىڭ نەمەسە قوك-ءنىڭ پلەنارلىق وتىرىسىنا كوميسسيا مۇشەلەرىنىڭ جالپى سانىنىڭ كەمىندە جارتىسى قاتىسقان جاعدايدا, ول زاڭدى دەپ سانالادى. قر قمك-ءنىڭ نەمەسە قوك-ءنىڭ مۇشەلەرى ءوزىنىڭ وتىرىسقا قاتىسۋ جونىندەگى ۋاكىلەتتىگىن باسقا تۇلعاعا بەرۋگە قۇقىعى جوق.
45. پلەنارلىق وتىرىستاردا شەشىمدەر ونىڭ مۇشەلەرى داۋسىنىڭ كوپشىلىگىمەن قابىلدانادى.
46. شەشىم قابىلداۋدا كوميسسيا مۇشەلەرى تەڭ داۋىسقا يە بولادى. داۋىستار تەڭ بولعان جاعدايدا توراعالىق ەتۋشى داۋىس بەرگەن شەشىم قابىلداندى دەپ سانالادى.
47. قابىلدانعان شەشىمگە كەلىسپەيتىن قر قمك-ءنىڭ نەمەسە قوك-ءنىڭ مۇشەلەرى ەرەكشە پىكىر بىلدىرۋگە قۇقىعى بار. ەرەكشە پىكىر ونىڭ نەگىزدەمەسى بار جەكە قۇجاتپەن رەسىمدەلەدى جانە قارالاتىن ماتەريالدارعا قوسا بەرىلەدى.
48. قر قمك نەمەسە قوك توراعاسىنىڭ, ال ول جوق بولعان كەزدە ورىنباسارىنىڭ تاپسىرماسى بويىنشا شەشىمنىڭ جوباسى سىرتتاي داۋىس بەرۋ تارتىبىمەن كوميسسيا مۇشەلەرىنە جىبەرىلۋى مۇمكىن.
49. كوميسسيا مۇشەلەرىنىڭ سىرتتاي داۋىس بەرۋگە ارنالعان مەرزىمى داۋىس بەرۋ ءۇشىن جوبا بويىنشا ماتەريالداردى تاراتقان كۇننەن باستاپ ءۇش جۇمىس كۇنىنەن اسپاۋعا ءتيىس. سىرتتاي داۋىس بەرۋ مەرزىمى اياقتالعانشا كوميسسيا ءمۇشەلەرى عىلىمي حاتشىعا وزدەرىنىڭ پىكىرىن بىلدىرەتىن جازباشا جاۋاپتاردى جىبەرەدى. كورسەتىلگەن مەرزىمدە جازباشا جاۋاپ ۇسىنباعان جاعدايدا, كوميسسيا مۇشەسى قابىلدانعان جوبا شەشىمىنە داۋىس بەردى دەپ سانالادى. ەگەر جوبا بويىنشا كوميسسيا مۇشەلەرىنىڭ جالپى سانىنىڭ كوپشىلىگى داۋىس بەرگەن جاعدايدا, سىرتتاي داۋىس بەرۋ ءوتتى دەپ سانالادى. قاۋلى جوباسى بويىنشا سىرتتاي داۋىس بەرۋدىڭ ناتيجەلەرى حاتتامامەن رەسىمدەلەدى.
50. قر قمك نەمەسە قوك-نىڭ پلەنارلىق وتىرىسىنىڭ حاتتاماسى وتىرىس وتكەن كۇننەن باستاپ ون ءتورت جۇمىس كۇنى ىشىندە جاسالادى. حاتتامادا ساراپتاماعا ۇسىنىلعان ماتەريالدار تۋرالى مالىمەتتەر, ساراپتاما بارىسىندا انىقتالعان ەسكەرتۋلەر, قر قمك نەمەسە قوك شەشىمى جانە ولاردىڭ ۇسىنىستارى قامتىلادى.
51. قر قمك پلەنارلىق وتىرىسىنىڭ حاتتاماسى ءبىر اي مەرزىمدە ءتيىستى وڭىرارالىق دەپارتامەنتكە جانە «قازگەواقپارات» رەسپۋبليكالىق گەولوگيالىق اقپارات ورتالىعىنىڭ (بۇدان ءارى «قازگەواقپارات» رگاو) قورىنا جىبەرىلەدى. ساراپتامادان وتكەن ماتەريالداردى «قازگەواقپارات» رگاو گەولوگيالىق قورىنا تۇراقتى ساقتاۋعا تاپسىرۋ تۋرالى حابارلاندىرۋدىڭ كوشىرمەسىن العاننان كەيىن عىلىمي حاتشى جەر قويناۋىن پايدالانۋشىعا قر قمك-ءنىڭ پلەنارلىق وتىرىسىنىڭ حاتتاماسىن ەكى اپتا مەرزىمدە جىبەرەدى.
52. قوك-ءنىڭ پلەنارلىق وتىرىستارىنىڭ حاتتامالارى ءبىر اي مەرزىمدە «قازگەواقپارات» رگاو گەولوگيالىق قورىنا, سونداي-اق كەمىندە ءبىر توقساندا ءبىر رەت قر قمك-گە جىبەرىلەدى. عىلىمي حاتشى ساراپتامادان وتكەن ماتەريالداردى ءتيىستى وڭىرارالىق دەپارتامەنتتىڭ گەولوگيالىق قورىنا تۇراقتى ساقتاۋعا بەرۋ تۋرالى حابارلاندىرۋدىڭ كوشىرمەسىن العان كەزدەن باستاپ ەكى اپتا مەرزىم ىشىندە جەر قويناۋىن پايدالانۋشىعا قوك-ءنىڭ پلەنارلىق وتىرىسىنىڭ حاتتاماسىن جىبەرەدى.
53. ساراپتامادان وتكەن ماتەريالدارعا ەسەپ ورىنداۋشىلارى پلەنارلىق وتىرىستا قابىلدانعان, جانە قر قمك-ءنىڭ نەمەسە قوك-ءنىڭ حاتتاماسىندا كورىنىس تاپقان قاجەتتى تولىقتىرۋلار مەن تۇزەتۋلەر ەنگىزىلەدى.
54. ەنگىزىلگەن تۇزەتۋلەردىڭ سايكەستىگىن ۇسىنىلعان ماتەريالداردى ساراپتاۋدان وتكىزۋگە جاۋاپتى تۇلعالار تەكسەرەدى, ەسەپ ورىنداۋشىلاردىڭ, ەسكەرتۋلەر جونىندەگى تاۋەلسىز ساراپشىلاردىڭ جانە قر قمك-ءنىڭ نەمەسە قوك-ءنىڭ جۇمىس ورگانى ماماندارىنىڭ قولدارى قويىلعان اكتىمەن كۋالاندىرىلادى.
55. ساراپتامادان وتكەن ماتەريالدارعا ءتيىستى وزگەرتۋلەر مەن تولىقتىرۋلار ەنگىزىلگەننەن كەيىن, سونداي-اق ولاردى قوسىمشا تۇزەتۋلەرسىز قابىلداعان جاعدايدا ساراپتامادان وتكەنىن كۋالاندىراتىن ءمورتابان قويىلادى.
56. قابىلدانعان قورلاردىڭ ساناتتارى, حاتتامانىڭ ءنومىرى, پلەنارلىق وتىرىس وتكىزىلگەن ۋاقىتى, سونداي-اق ساراپتالاتىن ماتەريالداردىڭ قارالۋىنا جاۋاپتى تۇلعانىڭ قولى ءمورتاباندا كورىنىس تابادى. ءمورتابان ەسەپ ءماتىنىنىڭ تيتۋل پاراعىندا جانە گرافيكالىق قوسىمشالاردا قورلاردىڭ بلوكتالعانى مەن ساناتتارعا بولىنگەنىن كورسەتەتىن ءار پاراقتا قويىلادى.
57. ەگەر ساراپتالاتىن ماتەريالدارعا جاسالعان ساراپتامانىڭ ناتيجەسى بويىنشا قر قمك-دەن نەمەسە قوك-دەن تەرىس قورىتىندى الىنسا, جەر قويناۋىن پايدالانۋشى حاتتامادا باياندالعان ەسكەرتۋلەر مەن ۇسىنىستاردى ەسكەرە وتىرىپ پىسىقتاعان جاعدايدا ماتەريالداردى قايتادان ساراپتاماعا ۇسىنا الادى.