بىردە مارقاكول وڭىرىنە ساپارلاپ جۇرگەنىمىزدە توسقايىڭ اۋىلدىق وكرۋگىنىڭ اكىمى ءاليجان بىتكەنباەۆتىڭ ءبۇي دەپ اڭگىمە شەرتكەنى بار.
وتكەندە مارقاعا بەلگىلى قالامگەرلەر الىبەك اسقاروۆ پەن جۇماباي شاشتاي ۇلى اعالارىمىز كەلدى. ەلدىڭ ىقىلاسى الابوتەن عوي. قوناقتان قوناق بولعان جازۋشى اعالارىمىز ىرزا بولدى. ءسويتىپ, كوڭىلدى جۇرگەندە جۇماباي اعامىز اياق استىنان اۋىرىپ قالدى. الىس اۋىلدا ءدارىحانا دا جوق. لەزدە ىرگەدەگى شاتقالدان بالا كەزىمىزدە اجەمىز قايناتىپ بەرەتىن ءبىر ءشوپتى ج ۇلىپ الىپ كەلدىم. ءشوپتى شايناپ, ءسولىن جۇتقان جۇماعاڭ سالدەن سوڭ جازىلىپ كەتتى. جادىراي ك ۇلىپ: «ءاي, ءالي, مىنا ءشوبىڭدى الماتىعا الا كەتەتىن ەكەن. اتى قانداي؟» دەپ سۇرادى.
ءشوپتىڭ اتىن بىلمەۋشى ەدىم. يىعىمدى قيقاڭ ەتكىزگەن ماعان قاراعان الىبەك اعا: «وندا بۇگىننەن باستاپ بۇل ءشوپتىڭ اتى – «جۇمابايجەگەن» دەپ كۇلدىرگەنى بار.
...راسىندا, التايدى تەل ەمگەن كاتونقاراعاي مەن مارقاكول ءوڭىرى تۇرعىندارىنىڭ ءدارى دەگەنگە اسا ءۇيىر بولمايتىنىنىڭ ءبىر سەبەبى, دارىلىك شوپتەر بولسا كەرەك. قالامگەر دوسىنىڭ قاعىتپاسىنان كەيىن جۇماعاڭ قۇلان-تازا جازىلىپ, مارقاكولدەن مارقايىپ اتتانىپتى.
دۋمان اناش,
«ەگەمەن قازاقستان»