اۋزىڭنان قارابۇلاق اۋىلى دەگەن ءسوز شىقسا قازاقستاننىڭ تۇكپىر-تۇكپىرىندەگى ەت ساتۋشىلار «سايرامداعى عوي» دەيدى. ويتكەنى, الاقانداي عانا جەردە وتىرعان جان سانى قىرىق ءتورت مىڭعا جۋىق اۋىلدىڭ داڭقى ەڭبەكقورلىعىمەن شىققان. سولتۇستىك وبلىستاردىڭ بىرنەشە اۋدانىنىڭ تۇرعىن سانىنا پارا-پار اۋىلدىڭ حالقى نەگىزىنەن ءۇش ءتۇرلى كاسىپپەن اينالىسادى. جۇك ماشينالارىمەن سوناۋ رەسەيدىڭ قيىر شىعىسىنا دەيىن شىعانداپ كەتەتىن قارابۇلاقتىق كاسىپكەرلەر اپارعان كوكونىستەرىن وتكىزگەننەن كەيىن قۇر كەلمەي, سول جاقتان مۇندا ءوتىمدى دۇنيەلەردى تيەي كەلەدى.
قارابۇلاقتىڭ اتاقتى قارا بازارىنا بارساڭىز وزبەكتىڭ تاريحقا اتى شىققان الاي بازارىنا كىرگەندەي بولاسىز. جانىڭىزعا نە كەرەك ءبارى بار. ورىستىڭ جۇك تاسۋعا ارنالعان ۆلاديمير جىلقىسىنىڭ ءتۇر-ءتۇرىن وسى بازاردان كورەسىز. جارقىراتىپ قازى بەرىپ جارىتپاعانىمەن قارا ەتى مول. رەسەيلىكتەر جىلقى ەتىن تۇتىنۋعا ونشالىقتى ق ۇلىقتى ەمەس. باعاسى اناعۇرلىم ارزان. سوندىقتان, ەسىك پەن توردەي, سەمىزدىكتەن جارىلا جازداپ تۇرعان جىلقىلارىن قارابۇلاقتىقتار سۋ تەگىنگە الادى دەسە دە بولادى. بازار ماڭى قاپتاعان ءدامحانا. قارابۇلاقتا نەگىزىنەن وزبەك حالقى تۇرادى. ولاردىڭ شىعىس تاماقتارىنا سۇرانىسى جوعارى ەكەندىگىن بىلەسىز.
جۇمىسسىزى جوق وسى اۋىلدا جەردەن بولەك جەتپەيتىن ەڭ قات دۇنيە-كوگىلدىر وتىننىڭ جوقتىعى ەدى. ەندى الدىننىڭ گازعا قولى جەتتى. ازىرگە 1 مىڭ وتباسىنىڭ ۇيىنە كوگىلدىر وتىن كىردى.
كوشەىشىلىك گاز قۇبىرىن جۇرگىزۋ قۇرىلىسىنىڭ اياقتالۋ سالتاناتىنا وبلىس اكىمى جانسەيىت تۇيمەباەۆ پەن «قازترانسگاز ايماق» اق وڭتۇستىك قازاقستان وندىرىستىك فيليالى ديرەكتورىنىڭ ءبىرىنشى ورىنباسارى اسقار ماۋكەنوۆ, جەرگىلىكتى تۇرعىندار مەن باق وكىلدەرى قاتىستى.
تۇرعىنداردىڭ قۋانىشىمەن بولىسە كەلگەن ايماق باسشىسى, بۇل جەتىستىكتىڭ ەگەمەندى ەلىمىزدىڭ ءاربىر جىلى قالىپتاسۋ, تولىسۋ, ءوسىپ-وركەندەۋ جىلدارىندا مۇمكىن بولىپ وتىرعانىن ايتتى.
– ەگەمەندىگىمىزدىڭ شيرەك عاسىرىندا ەل يگىلىگى ءۇشىن كوپتەگەن ىستەر اتقارىلدى. الاقانداي اۋىلداردا زامان تالابىنا ساي مەكتەپتەر مەن بالاباقشالار, مەديتسينالىق مەكەمەلەر سالىندى. قانشاما شاقىرىمداردى قۇرايتىن ىشكى جولدار جوندەلدى. ءوڭىرىمىزدىڭ كوپتەگەن ەلدى مەكەندەرى تازا سۋمەن قامتىلىپ, تۇرعىندار تابيعي گازعا قول جەتكىزۋدە. سونىڭ ءبىر ايعاعى, بۇگىن وزدەرىڭىزبەن بىرگە 43 مىڭنان استام ادامدى تابيعي گازبەن قامتيتىن كوشەىشىلىك گاز قۇبىرىن سالتاناتتى تۇردە ىسكە قوسىپ وتىرمىز, – دەدى اكىم.
اتالعان ەلدى مەكەندى تابيعي گازبەن قامتاماسىز ەتۋ جۇمىستارى 2013 جىلى باستالعان بولاتىن. جوبالاۋ-سمەتالىق قۇجاتتاماعا سايكەس, وسى مەرزىم ىشىندە 315,5 شاقىرىم گاز قۇبىرلارى جۇرگىزىلىپ, 3719 شگتپ (شكافتىق گاز تاراتۋ پۋنكتى) ورناتىلدى. ەلدى مەكەندى تابيعي وتىنعا قوسۋ جۇمىستارىنا وبلىستىق بيۋدجەتتەن 2 ملرد تەڭگەدەن استام قاراجات بولىنگەن.
قارابۇلاق حالقىنىڭ سانى 44 مىڭنان اسقانىمەن ساي قۋالاي قونىپ, سيىردىڭ بۇيرەگىندەي پىشىراپ قونعان اۋىل. اۋىلدىڭ ورتاسىن تاۋ سىلەمدەرىندەگى قار سۋىنان قۇرالعان ارىندى قاراسۋ وزەنى جارىپ وتەدى.
ەڭبەك دەسە جانىپ تۇسەتىن قارابۇلاقتىقتاردىڭ قۋانىشى شەكسىز. كاسىپكەرلىكتى ورىستەتۋگە كەرەك جىلۋدى كومىردەن الىپ كەلگەن ديقانداردىڭ جىلىجايلارى كوگىلدىر وتىنعا قوسىلىپ جاتىر. بۇل ەڭبەكتىڭ تيىمدىلىگىن الدەنەشە ەسە اسىرادى. ياعني, كوكونىس ءتۇرى كوبەيىپ, ايماقتا ازىق-ت ۇلىك باعاسىن رەتتەۋدە جاقسى مۇمكىندىك تۋادى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى