ايماقتارداعى جانارماي باعاسىنىڭ قىمباتتاۋىنا بايلانىستى ءبىز ەنەرگەتيكا مينيسترلىگىمەن حابارلاسىپ, جاعدايدى ءتۇسىندىرىپ بەرۋدى سۇراعان بولاتىنبىز. مينيسترلىك وتكەن جىلدىڭ سوڭىندا اي 92 ماركالى بەنزيننىڭ 1 ءليترىنىڭ باعاسى 135-140 تەڭگەنىڭ ارالىعىندا بولادى دەپ ەسكەرتكەنىن ايتادى.
ويتكەنى قازاقستان تۇتىناتىن وسىنداي ماركالى بەنزيننىڭ ۇشتەن بىرىنە جۋىعىن سىرتتان تاسيدى ەكەن. ناقتى ايتقاندا رەسەيدەن. الەمدە مۇناي باعاسى تۇراقتانا باستاعان سوڭ, كورشى مەملەكەت ۆاليۋتاسى دا نىعايا تۇسكەن. سول سەبەپتى باعا ءبىرشاما كوتەرىلگەن.
ال اقمولا وبلىسىندا بەنزيننىڭ ءبىر ءليترىنىڭ باعاسى 145 تەڭگەگە دەيىن قىمباتتاپ كەتتى.
"رەسەي ءرۋبلىنىڭ وسكەنىمەن بايلانىستى. ەگەر جاڭا جىلدىڭ الدىندا ول 5,1-5,2 بولسا, قازىرگى تاڭدا ول 5,6-عا كوتەرىلىپ جاتىر. سوعان بايلانىستى ول نارىققا اسەر ەتىپ وتىر. سوندىقتان باعا وسىنداي," - دەيدى قر ەنەرگەتيكا مينيسترلىگى ءباسپاسوز قىزمەتىنىڭ جەتەكشىسى اسقار جالدينوۆ.