فۋتزالدان قازاقستان ۇلتتىق قۇراماسىنىڭ باس باپكەرلىگى قىزمەتىنە برازيليالىق جوزە الەسيو دا سيلۆا تاعايىندالدى. بۇل تۋرالى afrk.kz حابارلادى.
كەلىسىمشارت مەرزىمى, وزگە دە مالىمەتتەر ازىرگە بەلگىسىز. 48 جاستاعى مامان بۇعان دەيىن كاكاۋدىڭ ۇلتتىق قۇراماداعى جانە «قايرات» كومانداسىنداعى كومەكشىسى بولعان. ەل قۇراماسىنا 2015 جىلدىڭ قاراشا ايىندا كەلسە, الماتى كومانداسىندا 2014 جىلدىڭ قىركۇيەك ايىنان بەرى قىزمەت ەتىپ كەلەدى.
فۋتبولشىلىق عۇمىرىندا ول برازيليانىڭ «ۆولتورانتين», «ينتەر ۋلبرا» جانە «ۆاسكو دا گاما» كوماندالارىندا دوپ تەپسە, رەسەيدىڭ «سپارتاك», «تتگ-ياۆا» ۇجىمدارىندا ويناۋشى ءارى جاتتىقتىرۋشى بولعان.
الەسيونىڭ باستاۋىمەن قازاقستان ەۋرو-2018 ءتۋرنيرىنىڭ ىرىكتەۋ ويىندارىن وتكىزەدى.