قازپوشتا ريو-دە-جانەيرودا وتكەن پاراليمپيادا جۇلدەگەرلەرىنە ارناپ پوشتا ماركالارىن شىعاردى, دەپ xابارلايدى قازاقپارات. "قازپوشتا" اق "سپورت" توپتاماسىنداعى ماركالاردا ريو-دە-جانەيروداعى XV پاراليمپيادالىق ويىنداردىڭ جۇزۋدەن چەمپيونى جانە الەمدىك رەكورد يەگەرى ءزۇلفيا عابيدۋللينا, ريو-دە-جانەيروداعى XV پاراليمپيادالىق ويىنداردىڭ پاۋەرليفتينگتەن كۇمىس جۇلدەگەرى راۋشان قويشىباەۆا بەينەلەنگەن.
پوشتالىق اينالىمعا ەنگىزۋ سالتاناتتى راسىمىنە ءزۇلفيا عابيدۋللينا مەن راۋشان قويشىباەۆا, قر پاراليمپيادا كوميتەتىنىڭ اتقارۋشى ديرەكتورى ەرلان سۇلەيمەنوۆ قاتىستى.
"وسىلاي بىزگە كوڭىل ءبولىپ, ەلەپ-ەسكەرىپ جاتقاندارىڭىزعا كوپ راxمەت! وتكەن پاراليمپيادادا جۇلدە الىپ كەلگەنىمىز ءۇشىن, قاي جەردە بولساق تا, وليمپيادا چەمپيوندارىمەن تەڭ قاراعاندارىڭىز بىزگە ۇلكەن قۋانىش سىيلايدى, دارەجەمىز قاتار كەلە جاتىر. بۇرىن-سوڭدى بولماعان مۇنداي جاعداي. ەندى ءبىزدىڭ ەسىمدەرىمىز قازاقستانعا عانا ەمەس, بۇكىل الەمگە تارايدى. سول ءۇشىن قازپوشتا ۇجىمىنا زور العىس!", - دەيدى ر. قويشىباەۆا. "پوشتا ماركالارىندا بەينەمىزدىڭ شىققانى كوڭىلىمىزگە قۋانىش سىيلاپ وتىر. مۇمكىن قازاقستاندىقتار ماركالارداعى پاراليمپيادا سپورتشىلارىن كورىپ, سپورتپەن شۇعىلدانۋعا, ماقسات قويۋعا تالپىنىس جاسايدى دەپ سەنەمىن", - دەپ اتاپ ءوتتى ز. عابيدۋللينا.