2016 جىلى بولشەك جانە كوتەرمە ساۋدا سەكتورىنداعى جەكە كاسىپكەرلەر سانى 15,6 مىڭعا ازايسا, شاعىن زاڭدى تۇلعالار سانى 5,9 مىڭعا كوبەيدى, جازادى Finprom.kz.
ساۋدا بيزنەسىندەگى قۇقىقتىق فورماتتىڭ اۋىسۋ ءۇردىسى 2015 جىلى باستالعان. تىركەلگەن جك (جەكە كاسىپكەرلىك) سانى 55,1 مىڭعا ازايدى. تىركەۋدە تۇرعان بارلىق 469 مىڭ جەكە كاسىپكەرلىكتىڭ 40 پايىزى "كوتەرمە جانە بولشەك ساۋدا; اۆتوكولىك جانە موتوتسيكل جوندەۋ" ساناتىنا كىرەدى.
2016 جىلى تولەم ينفراقۇرىلىمىنا ينتەگراتسيالىق پروتسەسس بەلسەندى جۇرە باستادى. 2015 قاراشا مەن 2016 قاراشا ارالىعىندا تولەم كارتالارىن قابىلدايتىن ساۋدا مەكەمەلەرى 1,5 ەسەگە ۇلعايىپ, 42 مىڭنان 65 مىڭعا ارتتى.
وتكەن جىلدىڭ ءۇشىنشى توقسانى قورىتىندىسى بويىنشا, ساۋدا سەكتورىنداعى شاعىن كومپانيالاردىڭ جالپى تابىسى 452,7 ملرد تەڭگەنى قۇرادى. بۇل 2015 جىلعى كورسەتكىشتەن 18%-عا ارتىق. سونىمەن قاتار شاعىن ساۋدا كومپانيالارى جالاقى قورىن 15 پايىزعا ۇلعايتتى.