2016 جىلى «بجك 2020» باعدارلاماسى اياسىندا 300-دەن استام الماتىلىق كاسىپكەر قارجىلاي قولداۋ الدى. بۇل 2015 جىلمەن سالىستىرعاندا 2,2 ەسە ارتىق, , دەپ حابارلادى الماتى قالاسىنىڭ كاسىپكەرلىك جانە يندۋستريالىق-يننوۆاتسيالىق دامۋ باسقارماسى.
2016 جىلى نەسيە قورجىنى - 78,8 ملرد تەڭگەنى (2015 ج.- 30,9 ملرد تەڭگە), سۋبسيديالاۋ كولەمى - 15,3 ملرد تەڭگەنى (2015 ج.- 6,2 ملرد تەڭگە) قۇرادى. ال ءوسۋ 2,5 ەسەنى قۇرادى.
الماتى قالاسىنىڭ كاسىپكەرلىك جانە يندۋستريالىق-يننوۆاتسيالىق دامۋ باسقارماسىنىڭ باسشىسى الماس ماديەۆتىڭ ايتۋى بويىنشا, وتكەن جىلى 198 جوبا 15,3 ملرد تەڭگەگە سۋبسيديالانعان, 77 جوبا 794 ملن تەڭگەگە كەپىلدىك الدى, سونداي-اق 31 كاسىپكەرگە 84 ملن تەڭگە سوماسىنا گرانتتار تابىستالدى.
الماتىدا بجك 2020 باعدارلاماسىمەن قاتار, ساۋدا جانە كورسەتىلەتىن قىزمەتتەر سالاسىنداعى الماتىلىق كاسىپكەرلەردى قولداۋ ماقساتىندا ازىرلەنگەن «جىبەك جولى» وڭىرلىك باعدارلاماسى قولدانىستا ەكەنىن اتاپ ءوتۋ قاجەت. 2015 جىلدىڭ ءبىرىنشى كەزەڭى اياسىندا 4 ملرد تەڭگە سوماسىنا 77 جوباعا قولداۋ كورسەتىلسە, ەكىنشى كەزەڭى اياسىندا 2,6 ملرد تەڭگە سوماسىنا 40 جوباعا قولداۋ كورسەتىلگەن.