2016 جىلى «جۇمىسپەن قامتۋ جول كارتاسى 2020» باعدارلاماسىنىڭ جۇمىسپەن قامتۋدى ينفراقۇرىلىم مەن تۇرمىستىق-كوممۋنالدىق شارۋاشىلىقتى دامىتۋ ارقىلى قاراستىراتىن ءبىرىنشى باعىتىنىڭ اياسىندا 5 673 ينفراقۇرىلىمدىق جوبا جۇزەگە اسىرىلدى, دەپ حابارلادى primeminister.kz.
اتالعان جوبالاردى جۇزەگە اسىرۋ ناتيجەسىندە 40 مىڭ 927 ادام جۇمىسقا ورنالاستى. ونىڭ ىشىندە 22 مىڭ 213-ءى – باعدارلاماعا قاتىسۋشىلار.
«جقجك 2020» باعدارلاماسىنىڭ ءبىرىنشى باعىتى اياسىندا قازاقستاندا تۇرمىستىق-كوممۋنالدى شارۋاشىلىق, ءبىلىم بەرۋ, دەنساۋلىق ساقتاۋ, الەۋمەتتىك قورعاۋ, مادەنيەت, سپورت, اباتتاندىرۋ, ينجەنەرلىك-كولىك ينفراقۇرىلىمى سالالارىنا جاتاتىن نىساندار سالىنىپ, جوندەۋدەن وتكىزىلدى.
ەستەرىڭىزگە سالا كەتەيىك, 2016 جىلى «جقجك 2020» باعدارلاماسىنىڭ ءبىرىنشى باعىتىن ىسكە اسىرۋعا 80,1 ملرد تەڭگە ءبولىندى. بۇل قاراجات جوبالاردىڭ سانى ەسكەرىلە وتىرىپ, جەرگىلىكتى اتقارۋشى ورگانداردىڭ تاپسىرىستارى نەگىزىندە وڭىرلەر اراسىندا ءبولىندى.