بريتاندىق BBC تەلەارناسىنداعى "Top Gear" باعدارلاماسىنىڭ ءتۇسىرۋ توبى شىمكەنت قالاسىندا بولدى. مۇندا ولار تانىمال بريتاندىق تەلەباعدارلامانىڭ ءبىر ەپيزودىن ءتۇسىردى جانە ول ناۋرىز ايىندا كورسەتىلەتىن بولدى, دەپ حابارالادى شىمكەنت قالاسى اكىمدىگىنىڭ ءباسپاسوز قىزمەتى.
«ءتۇسىرىلىم وتە تابىستى وتتى», - دەيدى باعدارلاما رەداكتورى الەكس رەنتون. ول شىمكەنت اكىمى عابيدوللا ابدىراحىموۆقا ءفيلمدى ءتۇسىرۋ بارىسىنداعى ەڭ اسەرلى ەپيزودتار وڭتۇستىك قازاقستان وبلىسىندا, ونىڭ ىشىندە شىرايلى شىمكەنت قالاسىندا تۇسىرىلگەنىن ايتىپ, وسى تۇسىرىلىمگە قولداۋ كورسەتكەنى ءۇشىن العىس ءبىلدىردى.
"Top Gear" - ەڭ تانىمال بريتاندىق تەلەباعدارلامالاردىڭ ءبىرى. بۇل باعدارلاما 1977 جىلدان باستاپ شىعارىلا باستاعان. 350 ميلليوننان استام رەسمي اۋديتورياسى بار. ەفيردەگى كورسەتىلىم ۇزاقتىعى - شامامەن 60 مينۋت.