اقتاۋدا انگارلىق تيپتەگى سپورت كەشەنى اشىلدى. ونىڭ قۇرىلىسى 2016 جىلى تامىز ايىندا باستالعان ەدى. جوبا قۇنى 108 ميلليون تەڭگە بولعان. قارجى جەرگىلىكتى بيۋدجەتتەن بولىنگەن, دەپ حابارلايدى lada.kz.
ماڭعىستاۋ وبلىسى مۇگەدەكتەر سپورت كلۋبىنىڭ ديرەكتورى نۇرالى ق ۇلىشوۆتىڭ ايتۋىنشا, زالدىڭ اشىلۋىن مۇمكىندىگى شەكتەۋلى سپورتشىلار 15 جىل كۇتكەن. ازىرگە كەشەندە 60 سپورتشى جاتىعىپ جاتىر. مۇندا ۆولەيبولمەن, ۇستەل تەننيسىمەن, شاحمات جانە دويبىمەن اينالىسۋعا قولايلى جاعداي جاسالعان. كيىم اۋىستىراتىن ورىندار مەن دۋش كابينالارى قاراستىرىلعان, سپورت زالدىڭ ەدەنىنە جىلۋ تارتىلعان.
«وڭىردەگى ءىرى كومپانيالاردىڭ ءبىرى بىزگە بەس ميلليون تەڭگەدەي جاردەم كورسەتتى. وعان جۇگىرۋگە ارنالعان قۇرىلعىلار, ۆەلوجاتتىعۋ, دوپتار جانە وزگە دە سپورتتىق جابدىقتار الىندى. جاقىن ارادا ۇلكەن تەننيس, ارباداعى سپورتتىق بي ۇيىرمەلەرى اشىلادى. مۇنداي جاتتىعۋلار ءۇشىن ارنايى اربالار الۋ كەرەك. بىزگە قارجىلاي قولداۋ كورسەتە الاتىن جانداردان كومەك سۇرايمىز», - دەدى ن.ق ۇلىشوۆ.
بۇگىندە مۇگەدەكتەرگە ارنالعان سپورت كلۋبىنا سپورتپەن بەلسەندى اينالىساتىن 167 ادام تىركەلگەن. جىل سوڭىنا دەيىن ولاردىڭ سانى 300-گە دەيىن جەتى مۇمكىن. نۇرالى ق ۇلىشوۆتىڭ ايتۋىنشا, بيىل كوكتەمدە اۋداندار مەن قالالاردا جەڭىل اتلەتيكا, ۆولەيبول, تەننيس سەكىلدى سپورتتىڭ جەتى ءتۇرى بويىنشا جارىستار وتكىزۋ جوسپارلانعان. جەڭىمپازدار ەكىنشى رازرياد الادى جانە رەسپۋبليكالىق سپارتاكياداعا قاتىسادى.