2017 جىلى پورتۋگاليانىڭ وڭتۇستىگىندەگى الگارۆي ايماعى ەڭ ارزان تۋريستىك باعىت دەپ تانىلدى. مۇنداي قورىتىندىنى بريتانيالىق Post Office كومپانياسىنىڭ ساراپشىلارى شىعارعان. بۇل تۋرالى reactor.inform.kz حابارلادى.
ماماندار بىرنەشە ەلدەگى تاۋارلار مەن قىزمەتتەردىڭ قۇنىن ەسەپتەپ, زەرتتەۋ جۇرگىزگەن. ءتىپتى سۋ, كوفە, كوكا-كولا, كۇننەن قورعايتىن كرەم, جاندىكتەرگە قارسى زاتتاردىڭ باعاسىنا دەيىن ەسەپكە العان. الگارۆيدە وسى قىزمەتتەردىڭ جيىنتىق قۇنى 37,95 ەۋرونى قۇراعان. ەكىنشى ورىندا بولگاريا جاعالاۋى تۇر. مۇنداعى تۇسكى اس, سۋسىندار مەن وزگە دە قاجەتتى تاۋارلار باعاسى 38,14 ەۋروعا تۇسپەك. ال ۇشتىكتى وڭتۇستىك يسپانياداعى كوستا-دەل-سول ايماعى قورىتىندىلايدى. مۇنداعى باعا كورسەتكىشى 44,12 ەۋرو. رەيتينگتەگى ءتورتىنشى ورىنعا جەرورتا تەڭىزىنىڭ جاعالاۋىنداعى تۇرىك كۋرورتى مارماريس تۇراقتاعان. قىزمەت قۇنى 56,56 ەۋرو. بەسىنشى ورىندا پراگا (58,91 ەۋرو).
12 ەلدىڭ اراسىندا كيپردىڭ وڭتۇستىك-باتىسىنداعى پافوس قالاسى, بۋداپەشت, توكيو, مالتاداعى سليما ەلدىمەكەنى, گرەتسياداعى كورفۋ ارالى, وار-داعى كەيپتاۋن مەن مەكسيكاداعى كانكۋن بار.
وتكەن جىلدىڭ جەلتوقسانىندا بيىلعى ەڭ قىمبات ايماقتار رەتىندە ۆەتنام تانىلعان. Forbes جۋرنالىنىڭ نۇسقاسى بويىنشا قىمبات ۇشتىكتە قىرعىز استاناسى بىشكەك پەن پورتۋگاليانىڭ ليسسابونى بار.